Jɔn In Fɔs Lɛta 4:12 - Krio Fɔs Oli Baybul

¹² Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.

Jɔn In Fɔs Lɛta 4:12 Referans Kwoze

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Jɔn In Fɔs Lɛta 2:5

Bɔt ɛni bɔdi we de du wetin Gɔd tɛl am fɔ du dɔn sho se in lɛk Gɔd, fɔ tru; na dat wi go tek no fɔ tru se wi na Gɔd yon pipul.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Jɔn In Fɔs Lɛta 4:20

If ɛni bɔdi se in lɛk Gɔd, bɔt i nɔ lɛk in kɔmpin, da pɔsin de de lay. Bikɔs if pɔsin nɔ lɛk in kɔmpin we i de si, aw i go lɛk Gɔd we i nɔ de si?

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Ɛksodɔs 33:20

Bɔt a nɔ go mek yu si mi fes, bikɔs ɛnibɔdi we si mi fes go day.

Jɔn In Fɔs Lɛta 4:6

Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

Jɛnɛsis 32:30

Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day.

Di Ibru Pipul Dɛn 11:27

Na bikɔs Mozis bin biliv Gɔd mek i kɔmɔt na Ijipt, ɛn i nɔ fred, pan ɔl we di kiŋ bin vɛks bad. I nɔ bin gri fɔ tɔn bak, i bin de go lɛkɛ pɔsin we de si Gɔd we mɔtalman nɔ de si.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Jɔn In Fɔs Lɛta 4:16

So wisɛf biliv se Gɔd lɛk wi, ɛn wi dɔn fil di lɛk na wi layf. Gɔd na di wan we nɔ de tap fɔ lɛk ɔltɛm ɛn nain lɛk aw pɔsin fɔ lɛk fɔ tru, ɛn ɛni bɔdi we lɛk Gɔd ɛn mɔtalman, na pɔsin we de waka wit Gɔd ɛn Gɔd de insay am.