Jɔn In Fɔs Lɛta 3:9 - Krio Fɔs Oli Baybul

⁹ Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd nain at, ɛn we Gɔd nain Papa, i nɔ go jɛs de sin, i nɔ gri fɔ tap.

Jɔn In Fɔs Lɛta 3:9 Referans Kwoze

Jɔn In Fɔs Lɛta 5:18

Wi no se ɛni bɔdi we de waka wit Gɔd nɔ de sin, bikɔs Gɔd in Pikin de gyad am ɛn Setan nɔ ebul am.

Pita In Fɔs Lɛta 1:23

Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Jɔn In Fɔs Lɛta 5:4

bikɔs ɛni bɔdi we na Gɔd pikin ebul fɔ win di wɔl. Wi ebul fɔ win di wɔl bikɔs wi biliv pan Jizɔs.

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Lɛta Fɔ Galeshya 5:17

Wetin mɔtalman want, nɔto wetin Gɔd in Spirit want. Wetin Gɔd in Spirit want, nɔto wetin mɔtalman want. Wetin mɔtalman want ɛn wetin Gɔd in Spirit want na tu difrɛn tin, so una nɔ go du wetin una want fɔ du.

Jɔn In Fɔs Lɛta 4:7

Mi padi dɛn we a lɛk, una mek wi lɛk wi kɔmpin bikɔs na Gɔd put lɛk na mɔtalman at. Ɛni bɔdi we lɛk in kɔmpin na Gɔd yon pɔsin ɛn i no Gɔd.

Matyu 7:18

Tik we gud nɔ go bia bad tin fɔ it ɛn tik we nɔ gud nɔ go bia gud tin fɔ it.

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Job 19:28

If yu se aw wi go ebul du am bad! Ɛn nainsɛf kɔz in prɔblɛm!

Di Sam Dɛm 119:3

Dɛn nɔ gɛt wan ambɔg; ɛn dɛn de fala wetin PAPA GƆD se.

Jɔn In Fɔs Lɛta 3:6

Ɛni bɔdi we de waka wit Krays, nɔ go de sin. Ɛni bɔdi we stil de sin nɔ no Krays yet ɛn i nɔ kechɔp sɛf se Krays de.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Lɛvitikɔs 11:37

Ɛn if di day wan fɔdɔm pan sid we na fɔ plant, ɛn dɛn plant am, i klin na PAPA GƆD yay.