Jɔn In Fɔs Lɛta 3:4 - Krio Fɔs Oli Baybul

⁴ Ɛni bɔdi we nɔ gri tap fɔ sin nɔ de du wetin Gɔd in lɔ se i fɔ du, bikɔs fɔ sin na fɔ brok Gɔd in lɔ.

Jɔn In Fɔs Lɛta 3:4 Referans Kwoze

Jɔn In Fɔs Lɛta 5:17

Ɛni bad tin we pɔsin de du na sin, bɔt sin de we nɔ go tap pɔsin mek i nɔ gɛt layf we go de sote go.

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Di Nɔmba Dɛm 15:31

Bikɔs i dɔn tɔn in bak pan wetin PAPA GƆD se ɛn nɔ obe in lɔ dɛn, da pɔsin de fɔ go ɛn tot in waala go wit am.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

Lɛta Fɔ Rom 4:15

Di Lɔ de mek Gɔd jɔj mɔtalman if i brok di Lɔ. Bɔt if di Lɔ nɔ de, mɔtalman nɔ go brok di Lɔ so Gɔd nɔ go jɔj am.

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

2 Kronikuls 24:20

Nain PAPA GƆD in spirit kam pan Zɛkaraya we na Jɛoiada we na man we de mek sakrifays fɔ pipul sin in bɔypikin, ɛn i tinap bifo di pipul dɛm ɛn i tɛl se, “Na dis PAPA GƆD se, ‘wetindu una nɔ de obe PAPA GƆD in kɔmandmɛnt we de mek una nɔ de go bifo? Bikɔs una dɔn kɔmɔt biɛn PAPA GƆD, insɛf dɔn kɔmɔt biɛn una.”

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

1 Kronikuls 10:13

So Sɔl day bikɔs i nɔ bin de waka tret wit PAPA GƆD; dat na we i nɔ bin de du wetin PAPA GƆD se. Pantap dat, i go luk- grɔn mek i go no wetin fɔ du,

Jems 5:15

If dɛn biliv se Gɔd go du wetin dɛn de pre fɔ, di sik pɔsin go wɛl. Gɔd go mek i wɛl gud gud, ɛn pantap dat, if di pɔsin bin dɔn du bad, Gɔd go padin am.

1 Kiŋ 8:47

if wɛn dɛn de de dɛn chenj dɛn atityud, dɛn kɔnfɛs ɛn pre to yu se dɛn du bad;

Ayzaya 53:8

Na bay aw dɛn trit ɛn jɔj am, mek dɛn kɛr am go; ɛn as fɔ in jɛnareshɔn, udat pan dɛn bin kɔnsida se dɛn kil am kɔmɔt na dis wɔl, ɛn mek i sɔfa fɔ mi pipul dɛn sin?

Matyu 5:19

Ɛnibɔdi we brok wan pan di lɔ dɛn we Gɔd gi wi, ɛn lan ɔda pipul fɔ brok dɛn, Gɔd go mek da pɔsin de gɛt lo ples pas plɛnti pipul dɛn we i de rul; bɔt ɛnibɔdi we du wetin di Lɔ se ɛn lan ɔda pipul fɔ du di sem tin, Gɔd go mek da pɔsin de gɛt ay ples pas plɛnti pipul dɛn we i de rul.

Apɔsul Dɛn Wok 23:3

Pɔl tɛl am se, “Gɔd insɛf go slap yu; yu na simɛnt wɔl we dɛn pent mek i tan lɛkɛ se i wayt! Yu sidɔm na ya fɔ jɔj mi bay di Lɔ, yu nɔ no se yu de brok di Lɔ we yu tɛl dɛn pipul ya fɔ slap mi?”