Jɔn In Fɔs Lɛta 3:3 - Krio Fɔs Oli Baybul

³ Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Jɔn In Fɔs Lɛta 3:3 Referans Kwoze

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Apɔsul Dɛn Wok 15:9

Gɔd sho se wi ɛn dɛn na di sem ɛn bikɔs dɛn biliv, i pul bad kɔmɔt na dɛn at.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Pita In Sɛkɛn Lɛta 1:4

Na dat mek Gɔd dɔn gi wi dɛn wɔndaful blɛsin we mɔni nɔ kin bay, we i bin dɔn prɔmis, so dat we una gɛt dɛn tin ya, una nɔ go de fala una at fɔ du dɛn bad tin we dɔn pwɛl di wɔl, bɔt una go du dɛn tin we Gɔd insɛf kin du.

Lyuk 6:36

Una fɔ sɔri fɔ pipul lɛkɛ aw una Papa Gɔd de sɔri fɔ ɔlman.

Jɔn In Fɔs Lɛta 4:17

As wi de insay Krays, di lɛk we wi lɛk Krays go de gro mɔ ɛn mɔ, ɛn wi nɔ go wɔri fɔ tinap bifo Gɔd di de we i de jɔj ɔlman na wɔl, bikɔs wi no se na Krays we de insay wi de mek wi liv lɛkɛ aw wi liv na dis wɔl.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Rom 15:12

Ayzaya tɔk igen se, “Wan pɔsin we go kɔmɔt na Jɛsi in fambul layn, go kam; Gɔd go mek i rul dɛn pipul we nɔto Ju, ɛn dɛn go abop pan am.”

2 Samiɛl 22:27

Udat du gud, yu gud to am bɔt udat wan sho se in gɛt sɛns pas yu, go brakɛt yu.

Jɔn 17:19

Ɛn a gi yu mi layf fɔseka dɛn so dat dɛnsɛf go gi yu dɛn layf wit ɔl dɛn at.

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Pita In Fɔs Lɛta 1:15

Bɔt una fɔ du ɔl wetin una de du lɛkɛ aw Gɔd yon pipul de du dɛn, jɛs lɛkɛ aw Gɔd, we kɔl una fɔ du in wok, nɔ de du ɛnitin bad.