Jɔn In Fɔs Lɛta 3:23 - Krio Fɔs Oli Baybul

²³ Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Jɔn In Fɔs Lɛta 3:23 Referans Kwoze

Jɔn 13:34

Ɛn naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Jɔn 15:12

Di tin we a de tɛl una fɔ du nain dis: Una fɔ lɛk una kɔmpin lɛkɛ aw a lɛk una.

Jɔn 6:29

Jizɔs ansa dɛn se, “Di tin we Gɔd want una fɔ du nain dis: una fɔ biliv pan di wan we Gɔd sɛn kam na wɔl.”

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Jɔn In Fɔs Lɛta 3:11

Di mɛsej we una bin dɔn yɛri di tɛm we una fɔs bi Kristiɛn nain dis: wi fɔ lɛk wi kɔmpin mɔtalman.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Mak 9:7

Wantɛm wan klawd kam kɔba di san, dɛn yɛri vɔys de tɔk na di klawd se, “Dis na mi Pikin we a lɛk bad, una lisin wetin i de tɛl una.”

Matyu 22:39

Di ɔda lɔ we impɔtant nain dis: ‘Yu fɔ lɛk yu kɔmpin mɔtalman lɛkɛ aw yu lɛk yusɛf.’

Apɔsul Dɛn Wok 16:31

Dɛn ansa am se, “Biliv pan di Masta, Jizɔs, ɛn yu ɛn ɔl di pipul dɛn na yu os go sev.”

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn 14:1

Jizɔs tɛl in lanin bɔy dɛn se, “Una put una at dɔŋ, una nɔ wɔri. Una biliv pan Gɔd, ɛn una biliv pan misɛf.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Fɔs Lɛta To Timoti 1:15

Na tru wɔd dis ɛn na wɔd we ɔlman fɔ biliv we dɛn se Jizɔs Krays kam na di wɔl fɔ sev dɛn pipul we de pan sin, ɛn na mi na di wan we dɔn sin pas ɔlman.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Jɔn 2:23

Di tɛm fɔ di Pasova ɔlide Jizɔs bin stil de na Jerusɛlɛm, plɛnti pipul biliv pan am wɛn dɛn si di wɔndaful wok dɛn we i bin de du.

Jɔn 3:18

If ɛnibɔdi biliv pan Gɔd in Pikin, Gɔd nɔ go kɔndɛm da pɔsin de. Bɔt Gɔd go kɔndɛm ɛnibɔdi we nɔ gri biliv pan in Pikin; we i nɔ biliv pan Gɔd in Pikin na di rizin dat nɔmɔ we go mek Gɔd kɔndɛm di pɔsin.

Jɔn In Fɔs Lɛta 2:7

Mi padi dɛn we a lɛk, di lɔ we a de rayt tɛl una fɔ kip, nɔto nyu lɔ, na di sem ol lɔ we una bin dɔn gɛt frɔm tɛm. Una bin dɔn yɛri bɔt dis ol Ju lɔ ya.

Jɔn In Fɔs Lɛta 4:15

Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Jɔn In Fɔs Lɛta 5:13

A de rayt dis lɛta ya to una we biliv pan Gɔd in Pikin fɔ mek una no se una gɛt di tru layf we go de sote go.