Jɔn In Fɔs Lɛta 3:2 - Krio Fɔs Oli Baybul

² Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Jɔn In Fɔs Lɛta 3:2 Referans Kwoze

Lɛta Fɔ Filipay 3:21

Jizɔs go tek in pawa we de mek i ebul rul ɔltin chenj dis bɔdi we wi gɛt naw, ɛn mek i tan lɛkɛ in yon bɔdi, we nɔto mɔtalman yon ɛn we wɔndaful.

Lɛta Fɔ Kɔlɔse 3:4

Krays na una tru layf. Wɛn i kam bak na wɔl, una go de wit am ɛn jɛs lɛkɛ aw dɛn ɔna am, na so dɛn go ɔna unasɛf.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

1 Kɔrint 13:12

Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

1 Kɔrint 15:49

Jɛs lɛkɛ aw wi tan lɛkɛ di fɔs man we Gɔd tek dɔti mek, na so wi go tan lɛkɛ di Man we kɔmɔt ɛvin.

Rɛvɛleshɔn 22:4

Dɛn go si Gɔd in fes, ɛn in nem go de pan dɛn fɔrɛd.

Pita In Sɛkɛn Lɛta 1:4

Na dat mek Gɔd dɔn gi wi dɛn wɔndaful blɛsin we mɔni nɔ kin bay, we i bin dɔn prɔmis, so dat we una gɛt dɛn tin ya, una nɔ go de fala una at fɔ du dɛn bad tin we dɔn pwɛl di wɔl, bɔt una go du dɛn tin we Gɔd insɛf kin du.

1 Kɔrint 2:9

Bɔt, wi fɔ mɛmba se, dɛn rayt na Gɔd in Buk se, “Yay nɔ si yet, yes nɔ yɛri yet, mɔtalman nɔ no yet wetin Gɔd dɔn rɛdi fɔ dɛn wan we lɛk am.”

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Lɛta Fɔ Rom 8:18

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

Lɛta Fɔ Galeshya 3:26

Na we una ɔl biliv pan Jizɔs Krays ɛn una gɛt wanwɔd wit am, na dat mek una ɔl dɔn bi Gɔd in pikin dɛn.

Jɔn 17:24

“Papa! Yu dɔn gi mi dɛn, ɛn a want mek dɛn de wit mi na di say we a go de, so dat dɛn go si aw a wɔndaful fɔ tru. Yu mek a wɔndaful so, bikɔs yu bin dɔn lɛk mi bifo yu mek di wɔl.

Matyu 5:8

“Dɛn wan we gɛt klin at, gɛt blɛsin, bikɔs dɛn go de usay Gɔd de!

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Job 19:26

ɛn we mi kanda go dɔn pwɛl, a go si PAPA GƆD insay dis bɔdi,

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Di Sam Dɛm 31:19

Noto kɔmɔn gud tin, yu dɔn kip fɔ udat gɛt fred fɔ yu we de wɔship yu. Usay pipul bɔku, na de yu de gi gud tin to udat go to yu fɔ kɔba am.

Ayzaya 56:5

A go gi dɛn tin fɔ tek mɛmba am ɛn mek i pɔpyula, insay mi os ɛn usay a tap, we bɛtɛ pas bɔypikin ɛn gyal pikin dɛn; A go gi dɛn nem we go de sote go ɛn nɔ go dɔn.

Di Sam Dɛm 16:11

Yu dɔn sho mi aw fɔ gɛt layf we go de sote go; yu dɔn mek mi at kol, bikɔs yu de wit mi. Na yu mek a go ɛnjɔy layf sote go.

Malakay 3:2

Udat go ebul go ebul bia wetin go apin wɛn i go kam. Bikɔs i tan lɛk di faya we gold ɛn silvasmit de yus ɛn go klin yu lɛk wɔshman waytɛks..

Lyuk 17:30

Na so i go bi di de we Mɔtalman Pikin go kam bak na wɔl.

Lyuk 20:36

Dɛn nɔ go day igen bikɔs dɛn tan lɛkɛ enjɛl naw ɛn dɛn na Gɔd in pikin dɛn bikɔs dɛn bin dɔn day, bɔt naw dɛn dɔn gɛt layf bak na ɛvin.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Jɔn 11:52

ɛn i nɔ go jɛs day fɔ di Ju pipul dɛn nɔmɔ, bɔt i go day fɔ gɛda ɔl Gɔd in pipul dɛn we skata ɔlɔbɔt ɛn briŋ dɛn kam insay di wan fambul.

Lɛta Fɔ Rom 8:16

Gɔd in Spirit wit wi yon spirit de tɔk di sem tin se wi na Gɔd in pikin dɛn.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Jɔn In Fɔs Lɛta 2:7

Mi padi dɛn we a lɛk, di lɔ we a de rayt tɛl una fɔ kip, nɔto nyu lɔ, na di sem ol lɔ we una bin dɔn gɛt frɔm tɛm. Una bin dɔn yɛri bɔt dis ol Ju lɔ ya.

Jɔn In Fɔs Lɛta 3:10

Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon.

Jɔn In Fɔs Lɛta 3:21

Mi padi dɛn we a lɛk, if wi at nɔ tɛl wi se wi du tin we nɔ rayt, wi nɔ go wɔri wɛn wi tinap bifo Gɔd.

Rɛvɛleshɔn 2:28

Dɛn a go gi dɛn di mɔnin sta.