Jɔn In Fɔs Lɛta 3:15 - Krio Fɔs Oli Baybul

¹⁵ Ɛni bɔdi we nɔ lɛk in kɔmpin, na pɔsin we kin kil in kɔmpin mɔtalman, ɛn una no se ɛni bɔdi we de kil in kɔmpin mɔtalman, na pɔsin we nɔ gɛt di layf we go de sote go.

Jɔn In Fɔs Lɛta 3:15 Referans Kwoze

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Apɔsul Dɛn Wok 23:14

Dɛn go to dɛn bigman we de mek sakrifays fɔ pipul sin ɛn di ɔda Ju bigman dɛn; dɛn tɛl dɛn se, “Wi dɔn swɛ se wi nɔ go it ɛn wi nɔ go drink natin sote wi kil Pɔl.

Jems 1:15

Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.

Apɔsul Dɛn Wok 23:12

So wɛn do klin, sɔm Ju pipul dɛn mit ɛn mek bagin. Dɛn swɛ se dɛn nɔ go it ɛn dɛn nɔ go drink natin sote dɛn kil Pɔl.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Mak 6:19

Dat mek Ɛrodias mɛmba bad fɔ Jɔn ɛn i bin want mek dɛn kil am, bɔt i nɔ bin ebul du ɛnitin bikɔs Ɛrɔd nɔ bin gri fɔ kil am.

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Jɛnɛsis 27:41

Isɔ bin et Jekɔb bad wan, bikɔs Jekɔb dɔn gɛt di blɛsin we dɛn papa bin wan gi am. So i tɔk to insɛf se, “We mi papa day, a go kil Jekɔb.”

Pita In Fɔs Lɛta 1:23

Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

Ditarɔnɔmi 19:11

Bɔt if ɛnibɔdi et in kɔmpin ɛn plan fɔ kil am, ɛn wund an bad bad wan we mek i day, dɔn i rɔn go na ɛni wan pan dɛn siti dɛn de,

Jɔn In Fɔs Lɛta 2:9

Ɛni bɔdi we se in de na di layt, bɔt i nɔ lɛk in kɔmpin mɔtalman, na pɔsin we stil de na dak sote naw.

Jɔn In Fɔs Lɛta 2:11

Bɔt ɛni bɔdi we nɔ lɛk in kɔmpin mɔtalman, da pɔsin de stil de na dak. I de waka na dak ɛn i nɔ no usay i de go, bikɔs di daknɛs dɔn mek i nɔ ebul si.