Jɔn In Fɔs Lɛta 3:13 - Krio Fɔs Oli Baybul

¹³ So, mi brɔda dɛn, una nɔ wɔnda if di pipul dɛn na di wɔl nɔ lɛk una.

Jɔn In Fɔs Lɛta 3:13 Referans Kwoze

Jɔn 17:14

A dɔn tɛl dɛn ɔl wetin yu tɛl mi fɔ tɛl dɛn, dat mek di ɔda pipul dɛn na wɔl nɔ lɛk dɛn, bikɔs dɛn ɔl nɔ de si wan we, lɛkɛ aw misɛf nɔ de si wan we wit di ɔda pipul dɛn.

Lyuk 21:17

Pipul nɔ go lɛk una bikɔs una biliv pan mi.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Sɛkɛn Lɛta To Timoti 3:12

Pipul go fɛt ɔl dɛn wan we gɛt wanwɔd wit Jizɔs Krays, we want fɔ liv dɛn layf lɛkɛ aw Gɔd want dɛn fɔ liv am.

Mak 13:13

Pipul nɔ go lɛk una bikɔs una biliv pan mi, bɔt ɛnibɔdi we bia sote i day, go sev.

Lɛta Fɔ Rom 8:7

So, if mɔtalman jɛs de mɛmba wetin in at want nɔmɔ, dat go mek i nɔ lɛk Gɔd; i nɔ go de du wetin Gɔd in lɔ se, ɛn i nɔ go ebul du am sɛf.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

Lyuk 6:22

“Una gɛt blɛsin wɛn mɔtalman nɔ lɛk una ɛn dɛn nɔ want gɛt ɛnitin fɔ du wit una, ɛn wɛn dɛn de kɔs una ɛn tɔk bad bɔt una, bikɔs una biliv Mɔtalman Pikin ɛn una de fala am!

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Ɛkliziastis 5:8

Nɔ sɔprayz we yu go ɛnisay ɛn si se dɛn de buli poman ɛn nɔ gi am in rayt; bikɔs di bigman dɛnsɛf gɛt dɛn yon bigman dɛn, ɛn dɛnwandɛnde sɛf gɛt dɛn yon bigman dɛn we pas dɛn.

Apɔsul Dɛn Wok 3:12

Wɛn Pita si di pipul dɛn, i se, “Mi kɔntri man dɛn, wetin mek una de wɔnda fɔseka wetin dɔn bi ɛn wetin mek una de luk wi so? Una min se na wi yon pawa ɔ na bikɔs wi gud mek dis man wɛl?

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Jɔn 3:7

Nɔ wɔnda we a tɛl yu se, una ɔl fɔ bɔn sɛkɛn tɛm.

Rɛvɛleshɔn 17:7

Di enjɛl aks mi se, “Wetin du yu de wɔnda?” I se, “A go tɛl yu wetin di uman ɛn di wayl bif we tot am, we gɛt sɛvin ed ɛn tɛn ɔn, min.

Prɔvabs 29:27

Lɛkɛ aw bad pɔsin et gud pɔsin, na so gud pɔsin insɛf et bad pɔsin.