Jɔn In Fɔs Lɛta 3:12 - Krio Fɔs Oli Baybul

¹² Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay.

Jɔn In Fɔs Lɛta 3:12 Referans Kwoze

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Prɔvabs 29:27

Lɛkɛ aw bad pɔsin et gud pɔsin, na so gud pɔsin insɛf et bad pɔsin.

Jɛnɛsis 4:25

Adam ɛn in wɛf bɔn ɔda bɔypikin we dɛn gi nem Sɛth In wɛf se, “PAPA GƆD dɔn gi mi ɔda bɔypikin fɔ tek Ebɛl in ples, we Ken kil.”

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Lyuk 11:51

Una dɛn tide pipul ya go sɔfa fɔ di pipul dɛn we dɛn kil frɔm Ebɛl sote rich Zakaraya we day midul Gɔd in Os ɛn di ples we dɛn de bɔn sakrifays. Fɔ tru, a de tɛl una dɛn tide pipul ya, se una go pe fɔ di prɔfɛt dɛn blɔd!

Matyu 23:35

Na dat mek, una go sɔfa fɔ dɛn pipul we dɛn bin kil, pan ɔl we dɛn nɔ du natin bad. Una go sɔfa fɔ di pipul dɛn we dɛn kil frɔm Ebɛl we bin tret na Gɔd in yay sote rich Zakaraya we na Bɛrɛkia in pikin, we day midul Gɔd in Os ɛn di ples we dɛn de bɔn sakrifays.

Prɔvabs 29:10

Pɔsin we lɛk fɔ kil nɔ lɛk pɔsin we tret, bɔt udat de du rayt de tray fɔ sev in layf.

Pita In Fɔs Lɛta 4:4

Dɛn pipul we nɔ no Gɔd, we una ɔl bin kia fri, de wɔnda naw bikɔs una nɔ de jɔyn dɛn igen fɔ liv bad layf; so dɛn de tɛl una tin we fɔ mek una fil bad.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Di Sam Dɛm 38:20

Dɛn de tek mi gud tɔn bad; ɛn pwɛl mi usay a fɔ bɛtɛ.

Di Sam Dɛm 37:12

Di bad man de mek ɔp fɔ du bad to di man we de du rayt; dɛn de sɔktit pan dɛn ɛn luk dɛn bad yay

Jɔn In Fɔs Lɛta 3:8

Ɛni bɔdi we nɔ de tap fɔ sin blant Setan, bikɔs Setan dɔn de sin frɔm we di wɔl bigin; na dat mek Gɔd in Pikin kam fɔ pwɛl Setan in wok.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Jɔn 10:32

Jizɔs se, “A dɔn du plɛnti gud wok we una dɔn si, ɛn na mi Papa gi mi dɛn wok de fɔ du. Uswan pan dɛn mek una want ston mi?”

Matyu 27:23

Nain Paylet se, “Wetin na di bad tin we i du?” Bɔt dɛn bigin ala se, “Nel am pan di krɔs!”

Matyu 13:38

Di fam na di wɔl, di gud sid na di pipul dɛn we Gɔd de rul, ɛn di gras na di pipul dɛn we Setan de rul.

Matyu 13:19

Dɛn pipul we yɛri, bɔt dɛn nɔ ɔndastand wetin a tɛl dɛn bɔt Gɔd in rul, jɛs tan lɛkɛ dɛn sid we fɔdɔm na di rod. Setan kam pul di wɔd we bin de na dɛn at.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Fɔs Lɛta Fɔ Tɛsalonayka 2:14

Mi brɔda dɛn, na di sem tin we bi to di Kristiɛn dɛn na Judia, de bi to una. Jɛs lɛkɛ aw di Ju pipul dɛn bin mek Gɔd in pipul dɛn we biliv pan Krays na Judia sɔfa, na semwe so una yon kɔntri man dɛn de mek una sɔfa.

2 Samiɛl 13:22

Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.

Prɔvabs 27:4

Pɔsin we gɛt wamat ɛn lɛk plaba kin pwɛl in kɔmpin, bɔt jɛlɔs pɔsin wɔs pas am.

Matyu 5:37

Wɛn una se una go du sɔntin, una nɔ fɔ swɛ, ɛn wɛn una se una nɔ go du sɔntin, una nɔ fɔ swɛ. Bikɔs ɛni wɔd we una tɔk pas dat kɔmɔt to Setan.

Jɔn 8:40

Na di tru wɔd dɛn nɔmɔ we Gɔd tɛl mi, a de tɛl una frɔm tɛm, bɔt pan ɔl dat, una de tray fɔ kil mi. Ebraam nɔ du so.

Jɔn 8:41

Una de du wetin una tru papa bin du.” Dɛn se, “Na Gɔd wangren na wi papa, wi nain tru pikin dɛn.”