Jɔn In Fɔs Lɛta 3:11 - Krio Fɔs Oli Baybul

¹¹ Di mɛsej we una bin dɔn yɛri di tɛm we una fɔs bi Kristiɛn nain dis: wi fɔ lɛk wi kɔmpin mɔtalman.

Jɔn In Fɔs Lɛta 3:11 Referans Kwoze

Jɔn 15:12

Di tin we a de tɛl una fɔ du nain dis: Una fɔ lɛk una kɔmpin lɛkɛ aw a lɛk una.

Jɔn In Sɛkɛn Lɛta 1:5

So, uman we a lɛk fɔ tru, a de beg yu: lɛ wi lɛk wi kɔmpin. Dis tin we a de rayt tɛl yu fɔ du, nɔto nyu tin; na tin we wi bin dɔn no frɔm we yu bi Kristiɛn.

Jɔn In Fɔs Lɛta 4:7

Mi padi dɛn we a lɛk, una mek wi lɛk wi kɔmpin bikɔs na Gɔd put lɛk na mɔtalman at. Ɛni bɔdi we lɛk in kɔmpin na Gɔd yon pɔsin ɛn i no Gɔd.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Jɔn In Fɔs Lɛta 1:5

Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Lɛta Fɔ Galeshya 6:2

Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du.

Jɔn 13:4

So Jizɔs grap na di tebul we dɛn bin sidɔm de it. I pul di klos we i wɛr pantap ɛn tay tawɛl rawnd in wes.

Jɔn In Fɔs Lɛta 4:11

Mi padi dɛn we a lɛk, if na so Gɔd lɛk wi, wi fɔ lɛk wi kɔmpin.