Jɔn In Fɔs Lɛta 3:10 - Krio Fɔs Oli Baybul

¹⁰ Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon.

Jɔn In Fɔs Lɛta 3:10 Referans Kwoze

Jɔn In Fɔs Lɛta 4:8

Ɛni bɔdi we nɔ lɛk in kɔmpin, na pɔsin we nɔ no Gɔd bikɔs Gɔd na di wan we nɔ de tap fɔ lɛk ɔltɛm ɛn nain de lɛk aw pɔsin fɔ lɛk fɔ tru.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Matyu 13:38

Di fam na di wɔl, di gud sid na di pipul dɛn we Gɔd de rul, ɛn di gras na di pipul dɛn we Setan de rul.

Jɔn 8:47

Pɔsin we kɔmɔt to Gɔd de put in at pan di tin dɛn we Gɔd tɔk. Nɔto Gɔd una kɔmɔt to, na dat mek una nɔ de yɛri Gɔd in wɔd.”

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Jɔn In Fɔs Lɛta 4:6

Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

Lɛta Fɔ Ɛfisɔs 5:1

We una na Gɔd in pikin dɛn we i lɛk, una fɔ tray fɔ tan lɛkɛ am.

Jɔn In Fɔs Lɛta 5:2

Aw wi go no se wi lɛk Gɔd in pikin dɛn, na bay aw wi lɛk Gɔd ɛn aw wi de du wetin i tɛl wi fɔ du.

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Apɔsul Dɛn Wok 13:10

ɛn tɛl am se, “Yu na Setan in pikin, yu nɔ lɛk ɛnitin we gud. Na bad ful yu at. Wetin mek yu want pul pipul dɛn kɔmɔt na di Masta in tret rod?

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

2 Samiɛl 13:22

Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.

Jɔn 1:12

Bɔt ɛnibɔdi we gladi fɔ mek i kam na dɛn layf ɛn biliv pan am, i gi dɛn di rayt fɔ bi Gɔd in pikin dɛn.

Jɔn 11:52

ɛn i nɔ go jɛs day fɔ di Ju pipul dɛn nɔmɔ, bɔt i go day fɔ gɛda ɔl Gɔd in pipul dɛn we skata ɔlɔbɔt ɛn briŋ dɛn kam insay di wan fambul.

Lɛta Fɔ Rom 13:8

Una nɔ fɔ o ɛnibɔdi dɛt, pas di dɛt we na fɔ lɛk una kɔmpin mɔtalman. Ɛnibɔdi we lɛk in kɔmpin mɔtalman de du wetin di Lɔ se.

Lɛta Fɔ Kɔlɔse 3:14

Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.