Jɔn In Fɔs Lɛta 2:9 - Krio Fɔs Oli Baybul

⁹ Ɛni bɔdi we se in de na di layt, bɔt i nɔ lɛk in kɔmpin mɔtalman, na pɔsin we stil de na dak sote naw.

Jɔn In Fɔs Lɛta 2:9 Referans Kwoze

Jɔn In Fɔs Lɛta 4:20

If ɛni bɔdi se in lɛk Gɔd, bɔt i nɔ lɛk in kɔmpin, da pɔsin de de lay. Bikɔs if pɔsin nɔ lɛk in kɔmpin we i de si, aw i go lɛk Gɔd we i nɔ de si?

Jɔn In Fɔs Lɛta 2:11

Bɔt ɛni bɔdi we nɔ lɛk in kɔmpin mɔtalman, da pɔsin de stil de na dak. I de waka na dak ɛn i nɔ no usay i de go, bikɔs di daknɛs dɔn mek i nɔ ebul si.

Di Sam Dɛm 82:5

“Dɛn nɔ no natin ɛn dɛn nɔ ɔndastand natin. Dɛn de pas pas nɔmɔ fɔ du bad, gud trenin nɔ de igen”

Pita In Sɛkɛn Lɛta 1:9

Bɔt if ɛnibɔdi de we nɔ de du dɛn tin ya, da pɔsin de tan lɛkɛ blɛnyay man ɛn i dɔn fɔgɛt se Krays bin dɔn pul sin kɔmɔt nain layf fɔ mek in layf klin.

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Jɔn In Fɔs Lɛta 1:6

If wi se wi jɔyn an wit am, ɛn wi de waka na dak, dat min se wi de lay. Wi nɔ de tɔk tru ɛn wi nɔ de du wetin rayt.

Jɔn 9:41

Jizɔs se, “If una bin blɛn, Gɔd nɔ bin go kɔndɛm una fɔ una sin, bɔt we una se una nɔ blɛn, dat min se sin stil de na una layf.”

Lɛvitikɔs 19:17

I se nɔ fɔ kip pɔsin na at ɛn nɔ tɛl di wan we du rɔŋ wetin i du rɔŋ ɔ nɔ so di pɔsin we nɔ tɛl am go sɔfa lɛkɛ am fɔ dat.

2 Samiɛl 13:22

Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Jɔn In Fɔs Lɛta 3:10

Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon.