Jɔn In Fɔs Lɛta 2:8 - Krio Fɔs Oli Baybul

⁸ Ɛniwe, dis sem lɔ ya nyu bikɔs di daknɛs dɔn go wansay ɛn di tru layt dɔn bigin shayn, una go si se dis nyu lɔ ya na tru we una luk Krays in layf ɛn una sɛf yon.

Jɔn In Fɔs Lɛta 2:8 Referans Kwoze

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Jɔn 13:34

Ɛn naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una.

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Jɔn 12:46

A dɔn kam na di wɔl lɛkɛ layt, so dat ɛnibɔdi we biliv pan mi, nɔ go lɛf na dak.

Jɔn In Fɔs Lɛta 4:21

Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Jɔn In Fɔs Lɛta 4:11

Mi padi dɛn we a lɛk, if na so Gɔd lɛk wi, wi fɔ lɛk wi kɔmpin.

Sɛkɛn Lɛta To Timoti 1:10

Gɔd dɔn sho wi di gud we i du plen wan naw, we wi Seviɔ, Jizɔs Krays dɔn kam. I dɔn pwɛl di pawa we day bin gɛt pan mɔtalman, ɛn i dɔn mek pipul no bɔt da layf we go de sote go, bay di Gud Nyuz we wi de tɛl dɛn.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Apɔsul Dɛn Wok 17:30

Gɔd nɔ de blem pipul fɔ di tɛm we dɛn nɔ bin no wetin i bin want mek dɛn du; bɔt naw Gɔd de tɛl ɔlman na wɔl fɔ mek dɛn lɛf fɔ du di bad tin dɛn we dɛn de du.

Lyuk 1:79

Da san de go shayn pan dɛn pipul we de na dak ɛn we want day, ɛn i go mek wi gɛt kol at.”

Di Sam Dɛm 36:9

Na yu de gi layf ɛn nainsay yu wi de si wi we klia na layf.

Di Sam Dɛm 27:1

Na PAPA GƆD di mek a si layt ɛn nain de sev mi; so a nɔ gɛt natin fɔ fred. Na PAPA GƆD de kɔba mi so a nɔ go fred natin.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Matyu 4:16

di pipul dɛn we bin lib de bin de na dak, dɛn nɔ bin no Gɔd, bɔt dɛn si big layt; dɛn bin tan lɛkɛ pipul we want day, bɔt di layt dɔn shayn pan dɛn.”

Ayzaya 9:2

Di pipul dɛn we bin de waka na daknɛs dɔn si brayt brayt layt; na pan di wan dɛn we bin tap na di land we dak bad bad wan, layt dɔn shayn pan dɛm.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.