Jɔn In Fɔs Lɛta 2:6 - Krio Fɔs Oli Baybul

⁶ Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

Jɔn In Fɔs Lɛta 2:6 Referans Kwoze

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Jɔn 13:15

A du dat fɔ sho una wetin una fɔ du, so dat unasɛf go du di sem tin.

1 Kɔrint 11:1

So una fɔ de du lɛkɛ aw a de du, bikɔs a de du lɛkɛ aw Krays bin de du.

Jɔn In Fɔs Lɛta 3:6

Ɛni bɔdi we de waka wit Krays, nɔ go de sin. Ɛni bɔdi we stil de sin nɔ no Krays yet ɛn i nɔ kechɔp sɛf se Krays de.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Di Sam Dɛm 85:13

We pɔsin lɛk fɔ du wetin de pliz PAPA GƆD, i de mek we fɔ in blɛsin.

Jɔn 15:10

If una du wetin a tɛl una fɔ du, una go stil de ɛnjɔy di gud tin dɛn we a de du fɔ una bikɔs a lɛk una, jɛs lɛkɛ aw misɛf du wetin mi Papa tɛl mi fɔ du so a stil de ɛnjɔy di gud we i de du fɔ mi bikɔs i lɛk mi.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Jɔn In Fɔs Lɛta 4:17

As wi de insay Krays, di lɛk we wi lɛk Krays go de gro mɔ ɛn mɔ, ɛn wi nɔ go wɔri fɔ tinap bifo Gɔd di de we i de jɔj ɔlman na wɔl, bikɔs wi no se na Krays we de insay wi de mek wi liv lɛkɛ aw wi liv na dis wɔl.