Jɔn In Fɔs Lɛta 2:5 - Krio Fɔs Oli Baybul

⁵ Bɔt ɛni bɔdi we de du wetin Gɔd tɛl am fɔ du dɔn sho se in lɛk Gɔd, fɔ tru; na dat wi go tek no fɔ tru se wi na Gɔd yon pipul.

Jɔn In Fɔs Lɛta 2:5 Referans Kwoze

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Jɔn 14:21

“Ɛnibɔdi we du wetin a tɛl am fɔ du, na pɔsin we lɛk mi bad. Mi Papa go lɛk am ɛn misɛf go lɛk am; ɛn a go mek i no mi gud.”

Lyuk 11:28

Jizɔs se, “Yɛs, dat na tru, bɔt mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Di Sam Dɛm 119:2

Dɛn pipul we de du wetin PAPA GƆD se fɔ du, wit ɔl dɛn at, gɛt blɛsin.

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.

Jɔn In Fɔs Lɛta 5:2

Aw wi go no se wi lɛk Gɔd in pikin dɛn, na bay aw wi lɛk Gɔd ɛn aw wi de du wetin i tɛl wi fɔ du.

Jɔn 15:5

“Mi na di tik, una na di an dɛn. Ɛnibɔdi we de wit mi ɔltɛm ɛn misɛf de wit am ɔltɛm, da pɔsin de go ebul du plɛnti wok fɔ Gɔd; una nɔ go ebul du natin if a nɔ ɛp una.

Izikɛl 36:27

ɛn a go put mi yon spirit insay una, ɛn mek una waka bay aw mi lɔ dɛn se, ɛn mek una kiaful aw una de du mi kɔmand dɛm.

Jɔn In Fɔs Lɛta 4:18

Da say we lɛk de, fred nɔ lib de, bikɔs if pɔsin lɛk fɔ tru, i nɔ de fred. If pɔsin de fred, dat na pɔnishmɛnt i de fred ɛn ɛni bɔdi we de fred, da pɔsin de nɔ lɛk Gɔd lɛk aw i fɔ lɛk am.

Di Sam Dɛm 119:146

A de beg yu fɔ sev mi ɛn a go du wetin yu se.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Jems 2:22

Una nɔ si se wetin Ebraam du sho se i bin biliv Gɔd? Una nɔ si se Ebraam bin biliv Gɔd bikɔs i du wetin Gɔd tɛl am fɔ du?

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Jɔn 6:56

Ɛnibɔdi we it mi bɔdi ɛn drink mi blɔd, di pɔsin go de na mi at ɛn misɛf go liv insay di pɔsin in at.

Ɛkliziastis 8:5

Pɔsin we de du wetin dɛn se fɔ du, nɔ de gɛt prɔblɛm, ɛn sɛnsman no wɛn ɛn aw fɔ du tin.

Di Sam Dɛm 106:3

I go fayn fɔ dɛn wan dɛn we de fɛt fɔ wetin rayt, ɛn we de du wetin rayt ɔltɛm.

Prɔvabs 8:32

“Naw, una dɛn yɔŋ pipul, una lisin to mi, i go fayn fɔ udat du wetin a se.

Di Sam Dɛm 119:4

Yu dɔn mek yu lɔ dɛn we pɔsin jɛs gɛt fɔ fala.

Prɔvabs 28:7

Ɛni yɔŋ pɔsin we obe di lɔ gɛt sɛns, bɔt udat tek awaŋɔt pɔsin mek padi de put udat bɔn am pan shem.

Di Sam Dɛm 105:45

Dat fɔ mek dɛn obe PAPA GƆD in lɔ ɛn du ɔl wetin i tɛl dɛn fɔ du. Una mek wi prez PAPA GƆD!

Jɔn In Fɔs Lɛta 4:17

As wi de insay Krays, di lɛk we wi lɛk Krays go de gro mɔ ɛn mɔ, ɛn wi nɔ go wɔri fɔ tinap bifo Gɔd di de we i de jɔj ɔlman na wɔl, bikɔs wi no se na Krays we de insay wi de mek wi liv lɛkɛ aw wi liv na dis wɔl.

Jɔn In Sɛkɛn Lɛta 1:6

Di kayn lɛk we a min nain dis: Wi fɔ lɛk wi kɔmpin lɛkɛ aw Gɔd tɛl wi fɔ du. Wetin una bin dɔn yɛri frɔm we una bi Kristiɛn nain dis: Una ɔl fɔ lɛk una kɔmpin.