Jɔn In Fɔs Lɛta 2:3 - Krio Fɔs Oli Baybul

³ If wi gri fɔ du ɔl wetin Gɔd tɛl wi fɔ du, na da tɛm de nɔmɔ wi kin shɔ se wi no Gɔd gud.

Jɔn In Fɔs Lɛta 2:3 Referans Kwoze

Jɔn 14:15

“If una lɛk mi, una go de du ɔl wetin a tɛl una fɔ du.

Jɔn 15:10

If una du wetin a tɛl una fɔ du, una go stil de ɛnjɔy di gud tin dɛn we a de du fɔ una bikɔs a lɛk una, jɛs lɛkɛ aw misɛf du wetin mi Papa tɛl mi fɔ du so a stil de ɛnjɔy di gud we i de du fɔ mi bikɔs i lɛk mi.

Jɔn In Fɔs Lɛta 5:3

We wi lɛk Gɔd wi de du ɔl wetin i tɛl wi fɔ du. Wetin i tɛl wi fɔ du nɔ traŋa fɔ wi,

Lyuk 6:46

“Wetin mek una de kɔl mi ‘Masta, Masta,’ bɔt una nɔ de du wetin a tɛl una?

Jɔn 15:14

Una na mi padi dɛn if una du wetin a tɛl una fɔ du.

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Di Sam Dɛm 119:32

A go de du wetin yu want mi fɔ du ɔltɛm wans yu mek a ɔndastand am mɔ.

Jɔn In Fɔs Lɛta 3:19

Na dat go mek wi no se wi de fɔ wetin na tru ɛn na dat go mek wi nɔ wɔri wɛn wi tinap bifo Gɔd.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Jɔn In Fɔs Lɛta 3:14

Wi no se wi dɔn lɛf di tin we bin de kil wi, wi dɔn gɛt layf; wi no dat bikɔs wi lɛk wi kɔmpin dɛn. Ɛni bɔdi we nɔ lɛk in kɔmpin, nɔ kɔmɔt na day rod yet.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Di Sam Dɛm 119:6

Da tɛm de a nɔ go de shem bikɔs a no se a de obe yu lɔ.

Jɔn In Fɔs Lɛta 2:13

Mi papa dɛn, a de rayt una bikɔs una no di wan we bin dɔn de frɔm we di wɔl bigin. Mi yɔŋ man dɛn, a de rayt una bikɔs una dɔn win Setan.

Jɔn In Fɔs Lɛta 3:6

Ɛni bɔdi we de waka wit Krays, nɔ go de sin. Ɛni bɔdi we stil de sin nɔ no Krays yet ɛn i nɔ kechɔp sɛf se Krays de.

Jɔn In Fɔs Lɛta 4:7

Mi padi dɛn we a lɛk, una mek wi lɛk wi kɔmpin bikɔs na Gɔd put lɛk na mɔtalman at. Ɛni bɔdi we lɛk in kɔmpin na Gɔd yon pɔsin ɛn i no Gɔd.

Jɔn In Fɔs Lɛta 5:2

Aw wi go no se wi lɛk Gɔd in pikin dɛn, na bay aw wi lɛk Gɔd ɛn aw wi de du wetin i tɛl wi fɔ du.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.