Jɔn In Fɔs Lɛta 2:23 - Krio Fɔs Oli Baybul

²³ Ɛni bɔdi we nɔ want fɔ gɛt ɛnitin fɔ du wit Gɔd in Pikin, nɔ want fɔ gɛt ɛnitin fɔ du wit Gɔd we na di Papa; bɔt ɛni bɔdi we gri fɔ waka wit Gɔd in Pikin, dɔn gri fɔ waka wit Gɔd we na di Papa.

Jɔn In Fɔs Lɛta 2:23 Referans Kwoze

Jɔn In Fɔs Lɛta 4:15

Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Jɔn 8:19

Dɛn se, “Usay yu papa de?” Jizɔs ansa se, “Una nɔ no mi ɛn una nɔ no mi Papa. If una bin no mi, una bin go no mi Papa we sɛn mi.”

Jɔn 10:30

Mi ɛn mi Papa na wan.”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Jɔn In Fɔs Lɛta 2:22

So udat de lay? Na di wan we se Jizɔs nɔto di Mɛsaya, nain na di wan we nɔ lɛk Krays. I nɔ want fɔ gɛt ɛnitin fɔ du wit Gɔd we na di Papa ɛn i nɔ want fɔ gɛt ɛnitin fɔ du wit Gɔd in Pikin.

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn In Fɔs Lɛta 4:2

Una lisin aw una go no if na to Gɔd di Spirit kɔmɔt. If ɛni bɔdi tɔk se Jizɔs Krays bin kam lɛkɛ mɔtalman, Gɔd in Spirit de insay am.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.