Jɔn In Fɔs Lɛta 2:22 - Krio Fɔs Oli Baybul

²² So udat de lay? Na di wan we se Jizɔs nɔto di Mɛsaya, nain na di wan we nɔ lɛk Krays. I nɔ want fɔ gɛt ɛnitin fɔ du wit Gɔd we na di Papa ɛn i nɔ want fɔ gɛt ɛnitin fɔ du wit Gɔd in Pikin.

Jɔn In Fɔs Lɛta 2:22 Referans Kwoze

Jɔn In Sɛkɛn Lɛta 1:7

Plɛnti pipul we de mek dɛn kɔmpin ful de ɔlɔbɔt na wɔl, dɛn nɔ de tɔk se Jizɔs Krays kam na wɔl lɛkɛ mɔtalman; dɛn de lay ɛn dɛn nɔ lɛk Krays.

Jɔn In Fɔs Lɛta 4:3

Bɔt ɛni bɔdi we nɔ tɔk so bɔt Jizɔs Krays, nɔto Gɔd in Spirit de insay am, na di spirit we nɔ lɛk Krays. Una bin dɔn yɛri se dis spirit ya gɛt fɔ kam na wɔl ɛn i de na di wɔl naw naw.

Jɔn In Fɔs Lɛta 2:18

Mi pikin dɛn, di tɛm we di wɔl go dɔn, dɔn kam klos. Dɛn bin dɔn tɛl una se di wan we nɔ lɛk Krays atɔl gɛt fɔ kam, ɛn plɛnti pipul we nɔ lɛk Krays dɔn kam naw; na dat mek wi no se di tɛm we di wɔl go dɔn, dɔn kam klos.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Jɔn In Fɔs Lɛta 4:20

If ɛni bɔdi se in lɛk Gɔd, bɔt i nɔ lɛk in kɔmpin, da pɔsin de de lay. Bikɔs if pɔsin nɔ lɛk in kɔmpin we i de si, aw i go lɛk Gɔd we i nɔ de si?

Jɔn In Fɔs Lɛta 2:23

Ɛni bɔdi we nɔ want fɔ gɛt ɛnitin fɔ du wit Gɔd in Pikin, nɔ want fɔ gɛt ɛnitin fɔ du wit Gɔd we na di Papa; bɔt ɛni bɔdi we gri fɔ waka wit Gɔd in Pikin, dɔn gri fɔ waka wit Gɔd we na di Papa.

Jɔn In Fɔs Lɛta 1:6

If wi se wi jɔyn an wit am, ɛn wi de waka na dak, dat min se wi de lay. Wi nɔ de tɔk tru ɛn wi nɔ de du wetin rayt.

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.

Matyu 24:5

Plɛnti man dɛn go tek mi nem kam, ɛn dɛn go kam se dɛn na di Mɛsaya ɛn dɛn go mek plɛnti pipul ful.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.