Jɔn In Fɔs Lɛta 2:12 - Krio Fɔs Oli Baybul

¹² Mi pikin dɛn, a de rayt una bikɔs Gɔd dɔn padin una sin dɛn fɔseka Jizɔs Krays.

Jɔn In Fɔs Lɛta 2:12 Referans Kwoze

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Apɔsul Dɛn Wok 13:38

Mi pipul dɛn, a want mek una no se na fɔseka Jizɔs mek dɛn de tɛl una se Gɔd go padin una fɔ di bad tin dɛn we una de du. A want mek una no se ɛnibɔdi we biliv pan am, Gɔd go mek da pɔsin de tap fɔ du di bad tin dɛn we i de du, ɛn dat na wan tin we di Lɔ we Gɔd bin gi Mozis nɔ ebul du.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Apɔsul Dɛn Wok 4:12

Nɔbɔdi nɔ de na wɔl we ebul sev pɔsin; na Jizɔs nɔmɔ ebul sev pɔsin.”

Di Sam Dɛm 106:8

Pan ɔl dat, PAPA GƆD sev dɛn bikɔs i nɔ wan pwɛl in gud nem, i wan mek ɔlman no se i gɛt pawa fɔ du ɔlkayn tin.

Di Sam Dɛm 25:11

PAPA GƆD mi sin dɛn bɔku, bɔt bikɔs yu gud, ɛn want ɔlman fɔ no aw yu gud, fɔgiv mi.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Jɔn In Fɔs Lɛta 1:4

Wi de rayt ɔl dis to una fɔ mek wi ɔl gladi gud gud wan.

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Lyuk 5:20

Wɛn Jizɔs si se di pipul dɛn we briŋ di sik man biliv se in go mɛn di man, Jizɔs tɛl di sik man se, “Padi, Gɔd dɔn padin yu sin dɛn.”

Jɔn In Fɔs Lɛta 2:21

So, nɔto bikɔs una nɔ no wetin tru mek a de rayt to una bɔt Krays, a de rayt bikɔs una no wetin tru bɔt Krays. Una no se lay nɔ gɛt ɛnitin fɔ du wit wetin tru.

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Jɔn In Fɔs Lɛta 2:7

Mi padi dɛn we a lɛk, di lɔ we a de rayt tɛl una fɔ kip, nɔto nyu lɔ, na di sem ol lɔ we una bin dɔn gɛt frɔm tɛm. Una bin dɔn yɛri bɔt dis ol Ju lɔ ya.

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Jɔn In Fɔs Lɛta 1:9

Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.