Jɔn In Fɔs Lɛta 2:11 - Krio Fɔs Oli Baybul

¹¹ Bɔt ɛni bɔdi we nɔ lɛk in kɔmpin mɔtalman, da pɔsin de stil de na dak. I de waka na dak ɛn i nɔ no usay i de go, bikɔs di daknɛs dɔn mek i nɔ ebul si.

Jɔn In Fɔs Lɛta 2:11 Referans Kwoze

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Rɛvɛleshɔn 3:17

Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.

Jɔn In Fɔs Lɛta 1:6

If wi se wi jɔyn an wit am, ɛn wi de waka na dak, dat min se wi de lay. Wi nɔ de tɔk tru ɛn wi nɔ de du wetin rayt.

Jɔn In Fɔs Lɛta 2:9

Ɛni bɔdi we se in de na di layt, bɔt i nɔ lɛk in kɔmpin mɔtalman, na pɔsin we stil de na dak sote naw.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Jɔn 12:40

“Gɔd se, a dɔn blɛn di pipul dɛn yay ɛn a dɔn sɛt dɛn ed, so dat dɛn nɔ go si, ɛn dɛn nɔ go ɔndastand, ɛn dɛn nɔ go kam to mi fɔ mek a sev dɛn.”

2 Kɔrint 3:14

Sɔntin bin mek dɛn nɔ ebul ɔndastand, fɔ tru; te tide sɛf di sem tin nɔ de mek dɛn ebul ɔndastand wɛn dɛn de rid dɛn buk we tɔk bɔt di ol agrimɛnt. Na wɛn pɔsin gɛt wanwɔd wit Krays nɔmɔ, nain da tin de de kɔmɔt nain ed.

Prɔvabs 4:19

Di rod we bad pɔsin de waka tan lɛkɛ daknɛt; dɛn de fɔdɔm ɛn nɔ no wetin dɛn fɔdɔm pan.

Lɛvitikɔs 19:17

I se nɔ fɔ kip pɔsin na at ɛn nɔ tɛl di wan we du rɔŋ wetin i du rɔŋ ɔ nɔ so di pɔsin we nɔ tɛl am go sɔfa lɛkɛ am fɔ dat.

2 Samiɛl 13:22

Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.

Ɛkliziastis 2:14

Pɔsin we gɛt sɛns no wetin i de du, bɔt fulman nɔ no. Bɔt a si se na di sem we dɛn ɔl de ɛnd.

Pita In Sɛkɛn Lɛta 1:9

Bɔt if ɛnibɔdi de we nɔ de du dɛn tin ya, da pɔsin de tan lɛkɛ blɛnyay man ɛn i dɔn fɔgɛt se Krays bin dɔn pul sin kɔmɔt nain layf fɔ mek in layf klin.

Jɔn In Fɔs Lɛta 2:10

Ɛni bɔdi we lɛk in kɔmpin mɔtalman, da pɔsin de de na di layt, so i nɔ go sin, ɛn i nɔ go mek ɔda pɔsin sin.

Jɔn In Fɔs Lɛta 3:15

Ɛni bɔdi we nɔ lɛk in kɔmpin, na pɔsin we kin kil in kɔmpin mɔtalman, ɛn una no se ɛni bɔdi we de kil in kɔmpin mɔtalman, na pɔsin we nɔ gɛt di layf we go de sote go.

Jɔn In Fɔs Lɛta 4:20

If ɛni bɔdi se in lɛk Gɔd, bɔt i nɔ lɛk in kɔmpin, da pɔsin de de lay. Bikɔs if pɔsin nɔ lɛk in kɔmpin we i de si, aw i go lɛk Gɔd we i nɔ de si?