Jɔn In Fɔs Lɛta 2:10 - Krio Fɔs Oli Baybul

¹⁰ Ɛni bɔdi we lɛk in kɔmpin mɔtalman, da pɔsin de de na di layt, so i nɔ go sin, ɛn i nɔ go mek ɔda pɔsin sin.

Jɔn In Fɔs Lɛta 2:10 Referans Kwoze

Jɔn In Fɔs Lɛta 3:14

Wi no se wi dɔn lɛf di tin we bin de kil wi, wi dɔn gɛt layf; wi no dat bikɔs wi lɛk wi kɔmpin dɛn. Ɛni bɔdi we nɔ lɛk in kɔmpin, nɔ kɔmɔt na day rod yet.

Lɛta Fɔ Rom 14:13

So wi fɔ lɛf fɔ jɔj wi kɔmpin, wi fɔ mekɔp nɔ fɔ du ɛnitin we go mek wi kɔmpin Kristiɛn sin.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Jɔn 8:31

So Jizɔs tɛl di wan dɛn we biliv pan am se, “If una de du ɔl wetin a tɛl una fɔ du, una na mi lanin bɔy dɛn fɔ tru;

Matyu 18:7

I bad fɔ ɔlman bikɔs tin dɛn de na di wɔl we de mek pipul dɛn nɔ biliv pan mi. Dɛn tin ya mɔs bi, bɔt i go bad fɔ di pɔsin we mek dɛn bi.

Matyu 13:21

Bɔt di wɔd nɔ sidɔm gud na dɛn at, dɛn biliv fɔs, bɔt i nɔ las. Bikɔs dɛn bin biliv mi wɔd, pipul mek dɛn sɔfa, so dɛn tap fɔ biliv di wɔd.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Di Sam Dɛm 119:165

Dɛn pipul we lɛk fɔ du wetin yu lɔ se, nɔ gɛt wan yagba. Dɛn go gɛt kolat.

Jɔn 11:9

Jizɔs se, “Na twɛlv awa de frɔm mɔnin te nɛt, nɔto so? So ɛnibɔdi we de waka de tɛm, nɔ go bɔk in fut, bikɔs i de si di layt we de na di wɔl.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Jɔn In Fɔs Lɛta 2:11

Bɔt ɛni bɔdi we nɔ lɛk in kɔmpin mɔtalman, da pɔsin de stil de na dak. I de waka na dak ɛn i nɔ no usay i de go, bikɔs di daknɛs dɔn mek i nɔ ebul si.