Jɔn In Fɔs Lɛta 2:1 - Krio Fɔs Oli Baybul

¹ Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Jɔn In Fɔs Lɛta 2:1 Referans Kwoze

Fɔs Lɛta To Timoti 2:5

Na wangren Gɔd de, ɛn wan pɔsin de midul Gɔd ɛn mɔtalman fɔ briŋ dɛn togɛda, dat na Jizɔs Krays we insɛf na mɔtalman,

Lɛta Fɔ Rom 8:34

So ɛnibɔdi de we go se Gɔd in pipul dɛn du bad? Jizɔs Krays na di wan we dɔn day fɔ wi, ɔ a fɔ se, nain Gɔd mek rayz frɔm di grev ɛn i sidɔm na Gɔd in raytan. I de beg Gɔd fɔ wi.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Jɔn In Fɔs Lɛta 3:18

Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru.

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.

Jɔn 8:11

Di uman ansa se, “Nɔbɔdi nɔ de, sa!” Jizɔs tɛl am se, “Misɛf nɔ go kɔndɛm yu. Go, bɔt nɔ sin igen.”]

Di Ibru Pipul Dɛn 9:24

Krays dɔn go insay di ples we Gɔd de na ɛvin. Na dat mek i tinap bifo Gɔd fɔ wi. I nɔ go insay di Bafa we mɔtalman bil, we jɛs de sho aw di ples we Gɔd de na ɛvin, tan.

Jɔn In Fɔs Lɛta 3:5

Una no se Krays kam fɔ pul mɔtalman kɔmɔt pan sin ɛn Krays nɔ gɛt sin nain layf.

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Izikɛl 3:21

“Bɔt if yu wɔn di man we de du di kɔrɛkt tin se i nɔ fɔ du bad, ɛn i nɔ du bad, i go liv bikɔs i lisin to di wɔnin; ɛn yusɛf go dɔn sev yu layf.”

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Lɛta Fɔ Ɛfisɔs 4:26

If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

Lɛta Fɔ Galeshya 4:19

Mi pikin dɛn, mek a tɛl una igen se, di pen we a de fil fɔseka una jɛs tan lɛkɛ di pen we uman kin fil wɛn i want fɔ bɔn. A go fil dis pen ya sote una bi pipul we de fala Krays gud.

Jɔn 5:36

Bɔt wetin a de du sho wetin a bi fɔ tru pas aw wetin Jɔn sɛf tɔk, sho wetin a bi; wetin a de du na wetin nɔmɔ mi Papa tɛl mi fɔ du. Na dɛn wok ya we a de du de mek pipul no udat a bi ɛn sho se na mi Papa sɛn mi kam na wɔl.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Pita In Fɔs Lɛta 2:22

Wande Krays nɔ sin, ɛn i nɔ lay.

1 Kɔrint 15:34

Una kechɔp unasɛf ɛn lɛf fɔ sin. Una fɔ shem we a tɔk se, sɔm pan una nɔ no Gɔd.

Jɔn 5:14

Wɛn dat pas, Jizɔs mit di man insay Gɔd in Os, i se, “Luk, yu dɔn wɛl naw, so yu fɔ lɛf fɔ sin, if nɔ so, wɔs tin go bi to yu pas wetin dɔn bi.”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Di Sam Dɛm 4:4

Nɔ mek vɛks mek yu sin; so wɛn yu lidɔm na nɛt na yu bed ɔ wɛn yu wande, tink bɔt ɔl wetin a dɔn se bɔt nɔ se fiŋ!

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.

Jems 3:9

Tɛm de we wi kin tek wi mɔt tɛl wi Masta ɛn wi Papa tɛnki, bɔt ɔda tɛm wi kin tek di sem mɔt kɔs mɔtalman we Gɔd mek lɛkɛ insɛf.

Lɛta Fɔ Rom 6:15

We i bi so, wetin wi fɔ se? Wi fɔ stil de sin bikɔs di lɛk we Gɔd lɛk wi, pan ɔl we wi nɔ fit fɔ mek yu lɛk wi, nain de rul wi naw, ɛn di Lɔ nɔ de rul wi igen? Dat nɔ fɔ bi!

Jɔn 13:33

Mi pikin dɛn, a nɔ go de lɔŋ wit una igen, una go luk fɔ mi, bɔt a de tɛl una wetin a bin dɔn tɛl dɛn Ju bigman, ‘Una nɔ go go na di ples we a de go.’

Fɔs Lɛta To Timoti 3:14

A de abop fɔ kam fɛn yu, i nɔ go te igen, bɔt a de rayt dɛn tin ya so dat

Jɔn 21:5

Nain Jizɔs se, “E padi! Una nɔ kech natin?” Dɛn ansa se, “Wi nɔ kech natin.”

Jɔn 14:16

A go aks mi Papa fɔ gi una ɔda pɔsin we go de ɛp una fɔ du wetin Gɔd want ɛn i go sɛn di pɔsin kam. Da pɔsin go de wit una sote go.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Jɔn In Fɔs Lɛta 5:17

Ɛni bad tin we pɔsin de du na sin, bɔt sin de we nɔ go tap pɔsin mek i nɔ gɛt layf we go de sote go.

Jɔn In Tɔd Lɛta 1:4

Di tin we kin mek a gladi pas ɔl na we a kin yɛri se mi pikin dɛn de waka na di tru rod.