Jɔn In Fɔs Lɛta 1:9 - Krio Fɔs Oli Baybul

⁹ Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Jɔn In Fɔs Lɛta 1:9 Referans Kwoze

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Jɛrimaya 33:8

A go pul ɔl di sin dɛn we dɛn sin agens mi, ɛn a go fɔgiv dɛn fɔ ɔl dɛn sin ɛn fɔ we dɛn kin tɔn dɛn bak pan mi. A go mek dɛn klin na mi yay.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Fɔs Lɛta To Timoti 1:15

Na tru wɔd dis ɛn na wɔd we ɔlman fɔ biliv we dɛn se Jizɔs Krays kam na di wɔl fɔ sev dɛn pipul we de pan sin, ɛn na mi na di wan we dɔn sin pas ɔlman.

Nɛimaya 1:6

Duya, yɛri mi prea. Nɔ lɔk yu yes ɛn yay pan mi. Ol de ɛn nɛt a de pre fɔ yu pipul di Izrɛlayt dɛn. Wi na yu pikin dɛn, wi sɔri fɔ ɔl di bad tin dɛn we wi dɔn du. Mi, mi fambul dɛn ɛn ɔlman dɔn kɔmit sin.

Izikɛl 37:23

Dɛn nɔ go dɔti dɛnsɛf igen igen wit dɛn lay lay gɔd dɛm, ɛn dɛn etful tin dɛn, ɔ wit ɛni pan dɛn wikɛd bad bad tin dɛn; bɔt a go sev dɛm pan ɔl dɛn bad tin we dɛn bin go bak to ɛn we mek dɛn sin, ɛn a go was dɛn klin; ɛn dɛn go bi mi pipul ɛn mi go bi dɛn PAPA GƆD.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Apɔsul Dɛn Wok 19:18

Plɛnti pan di Kristiɛn dɛn tɔk se dɛn bin dɔn du bad ɛn dɛn tɔk bifo ɔlman bɔt di bad tin dɛn we dɛn bin dɔn du.

Mak 1:5

Plɛnti pipul we de na Judia ɛn Jerusɛlɛm go fɔ yɛri Jɔn. Di pipul dɛn tɛl Gɔd bɔt dɛn sin, bifo ɔlman we bin lib de, dɛn Jɔn baptayz dɛn na Riva Jɔdan.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Di Sam Dɛm 19:12

Wi mistek dɛn tan lɛk we pɔsin gɛt ɔmbak i nɔ de si in ɔmbak. Fɔgiv mi fɔ di sin we a de sin ɛn a nɔ no se na sin.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Lamɛnteshɔn 3:23

ɛvri mɔnin na nyu wan i de gɛt fɔ wi; in tret waka we i de waka in kayn nɔ de.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

1 Kiŋ 8:47

if wɛn dɛn de de dɛn chenj dɛn atityud, dɛn kɔnfɛs ɛn pre to yu se dɛn du bad;

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Di Ibru Pipul Dɛn 11:11

Na bikɔs Ebraam bin biliv Gɔd, mek, ilɛk sɛf we in ɛn Sera bin dɔn ol, dɛn ebul bɔn pikin. Ebraam bin biliv se Gɔd na Gɔd we de du wetin i dɔn prɔmis.

Matyu 3:6

Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Lɛta Fɔ Ɛfisɔs 5:26

fɔ mek di chɔch klin wit wata ɛn in wɔd, dɛn i an am oba gi Gɔd.

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɔn 17:25

Papa, yu we de du wetin rayt ɔltɛm, dɛn ɔda pipul na wɔl nɔ no yu, bɔt mi no yu, ɛn dɛn wan ya we biliv pan mi no se na yu sɛn mi.

Lyuk 22:57

Pita dinay, i se, “Ledi, a nɔ sabi da man de sɛf!”