Jɔn In Fɔs Lɛta 1:7 - Krio Fɔs Oli Baybul

⁷ Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Jɔn In Fɔs Lɛta 1:7 Referans Kwoze

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Jɔn In Fɔs Lɛta 1:5

Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Jɔn In Fɔs Lɛta 5:6

Jizɔs Krays wan kam na wɔl bay wata ɛn blɔd. I nɔ kam na wɔl bay wata nɔmɔ, i kam bay wata ɛn blɔd. Na Gɔd in Spirit mek wi no se dat na tru bikɔs in Spirit de tɔk tru.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Di Sam Dɛm 89:15

PAPA GƆD, pɔsin we dɔn lan fɔ siŋ prez to yu gɛt blɛsin; dɛn pipul we de du wetin yu want, gɛt blɛsin.

Di Sam Dɛm 56:13

Yu dɔn pul mi pan trɔbul ɛn mek a tinap deŋ, so dat a go de waka wit yu.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Ayzaya 2:5

E Jekɔb in os, una kam lɛ wi waka na PAPA GƆD in layt.

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Di Sam Dɛm 97:11

Ɔl udat lɛk PAPA GƆD ɛn de du tin tret wan go si dɛn we klia as PAPA GƆD in blɛsin go shayn lɛk layt pan dɛn.

Jɔn In Fɔs Lɛta 5:8

Gɔd in Spirit, wata ɛn blɔd; dɛn ɔl tri de tɔk di sem tin.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Jɔn In Tɔd Lɛta 1:4

Di tin we kin mek a gladi pas ɔl na we a kin yɛri se mi pikin dɛn de waka na di tru rod.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Jɔn In Sɛkɛn Lɛta 1:4

A bin gladi bad we a yɛri se sɔm pan yu pikin dɛn de fala wetin tru, lɛkɛ aw wi Papa tɛl wi fɔ du.

Emɔs 3:3

Una dɔn wande si tu man we nɔ gri de waka?

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Ayzaya 6:7

I tɔch mi mɔt ɛn tɔk se, “as dis dɔn tɔch yu mɔt so, ɔl wetin yu gilti bɔt dɔn dɔn, ɛn PAPA GƆD dɔn fɔgiv yu sin.”

Ayzaya 33:24

Ɛn nɔbɔdi we tap de nɔ go se “A nɔ wɛl”; dɛn go fɔgiv di pipul dɛn we tap de, dɛn sin.

Matyu 6:12

Padin wi fɔ di bad tin dɛn we wi dɔn du, lɛkɛ aw wisɛf de padin dɛn pipul we de du wi bad.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.