Jɔn In Fɔs Lɛta 1:5 - Krio Fɔs Oli Baybul

⁵ Dis na di mɛsej we Gɔd in Pikin tɛl wi ɛn nain wi de tɛl una: Gɔd na layt; daknɛs nɔ de pan am atɔl.

Jɔn In Fɔs Lɛta 1:5 Referans Kwoze

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Ayzaya 60:19

Dis san nɔ go gi yu layt igen de tɛm, fɔ mek di ples brayt di mun sɛf nɔ go sho yu layt na nɛt; bɔt na PAPA GƆD go bi yu layt we go las sote go, ɛn yu Gɔd go bi yu glori.

Di Sam Dɛm 27:1

Na PAPA GƆD di mek a si layt ɛn nain de sev mi; so a nɔ gɛt natin fɔ fred. Na PAPA GƆD de kɔba mi so a nɔ go fred natin.

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Jɔn 1:4

Nain de gi ɔlman layf ɛn dis layf ya na di layt we de mek ɔlman si layt.

Jɔn 9:5

Wans a de na di wɔl, mi na di layt na di wɔl.”

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Di Sam Dɛm 36:9

Na yu de gi layf ɛn nainsay yu wi de si wi we klia na layf.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Jɔn In Fɔs Lɛta 3:11

Di mɛsej we una bin dɔn yɛri di tɛm we una fɔs bi Kristiɛn nain dis: wi fɔ lɛk wi kɔmpin mɔtalman.

1 Kɔrint 11:23

Na di Masta insɛf tɛl mi dɛn tin we a tɛl una we a se: di sem nɛt we dɛn kɛr Masta Jizɔs go to dɛn wan we bin want kil am, i tek bred, i tɛl Gɔd tɛnki fɔ am, i kɔt am, kɔt am, dɔn i se, “Na mi bɔdi dis, na fɔ una a brok brok am so. Una fɔ de du di sem tin fɔ mɛmba mi.”

Di Sam Dɛm 139:12

di dak nɔto dak fɔ yu sɛf ɛn yu go mek di nɛt fiba de tɛm bikɔs di ples go brayt, as dak de brayt usay yu de.

Ayzaya 2:5

E Jekɔb in os, una kam lɛ wi waka na PAPA GƆD in layt.

Daniɛl 2:22

I de sho dɛn dɛn dip dip ɛn mistri tin dɛn; I no wetin de insay dak ples, ɛn di layt tap wit am.

Jɔn 1:19

Di Ju bigman dɛn na Jerusɛlɛm sɛn sɔm pan dɛn man we de mek sakrifays fɔ pipul sin ɛn sɔm pan di wan dɛn we de ɛp dɛn fɔ go aks Jɔn udat i bi.