Jɔn In Fɔs Lɛta 1:4 - Krio Fɔs Oli Baybul

⁴ Wi de rayt ɔl dis to una fɔ mek wi ɔl gladi gud gud wan.

Jɔn In Fɔs Lɛta 1:4 Referans Kwoze

Jɔn 15:11

“A dɔn tɛl una dɛn tin ya so dat una go gladi lɛkɛ aw a gladi, ɛn ɔl di gladi we fɔ de na una at go lib de.

Jɔn 16:24

Te naw una nɔ tek mi nem aks Gɔd fɔ ɛnitin yet; una aks Gɔd fɔ ɛnitin i go gi una wetin una aks fɔ, ɛn ɔl di gladi we fɔ de na una at go lib de.

Jɔn In Sɛkɛn Lɛta 1:12

A gɛt plɛnti tin fɔ tɛl una, bɔt a nɔ want rayt ɔltin wit pɛn ɛn pepa; misɛf abop fɔ kam luk una ɛn tɔk to una fes to fes, so dat wi go gladi gud gud.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.