Jɔn In Fɔs Lɛta 1:10 - Krio Fɔs Oli Baybul

¹⁰ If wi se wi nɔ sin wande, wi de se Gɔd de lay, ɛn in wɔd nɔ gɛt ples na wi layf.

Jɔn In Fɔs Lɛta 1:10 Referans Kwoze

Jɔn In Fɔs Lɛta 1:8

If wi se sin nɔ de na wi layf, wi de mek wisɛf ful, ɛn wi nɔ de tɔk tru.

Jɔn In Fɔs Lɛta 5:10

Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Jɔn In Fɔs Lɛta 2:4

Di pɔsin we de se, “A no Gɔd,” bɔt i nɔ gri fɔ du wetin Gɔd tɛl am fɔ du, da pɔsin de de lay; i nɔ de tɔk tru.

Jɔn In Sɛkɛn Lɛta 1:2

bikɔs wetin tru de na wi at ɛn i go de wit wi sote go.

Di Sam Dɛm 130:3

PAPA GƆD, if yu bin de kɔnt ɔl di bad we wi de du, PAPA GƆD, udat fit fɔ tinap bifo yu?

Jɔn In Fɔs Lɛta 2:14

Mi pikin dɛn, a de rayt una bikɔs una no di Papa. Mi papa dɛn, a de rayt una bikɔs una no di wan we bin dɔn de frɔm we di wɔl bigin. Yɔŋ man dɛn, a de rayt una bikɔs natin nɔ ebul una. Gɔd in wɔd de insay una at ɛn una dɔn win Setan.

Job 24:25

If nɔto tru a tɔk, lɛ sɔmbɔdi tɛl mi se na lay a lay; lɛ i pruv se na nɔnsɛns tɔk a tɔk.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Job 15:14

Udat na mɔtalman we yu go se klin na PAPA GƆD yay, ɔ udat we uman bɔn kam na dis wɔl, we yu go se nɔ de du bad?

Jɛrimaya 2:35

una se, ‘A inosɛnt; fɔ tru, in nɔ vɛks pan mi igen.’ A de tɛl una, a go jɔj una fɔ we una de tɔk se, ‘A nɔ kɔmit sin.’

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.