Jɔn In Fɔs Lɛta 1:1 - Krio Fɔs Oli Baybul

¹ Wi de rayt to una bɔt di Wɔd we gɛt layf, we bin dɔn de frɔm we Gɔd mek di wɔl. Wi dɔn yɛri am, wi dɔn si am wit wi yon yay, ɛn wi dɔn tɔch am wit wi an.

Jɔn In Fɔs Lɛta 1:1 Referans Kwoze

Jɔn 20:27

Dɛn Jizɔs tɔn to Tɔmɔs ɛn se, “Tek yu fiŋa tɔch mi tu an dɛn ɛn luk dɛn gud. Dɛn, tret yu an put am insay mi sayd. Lɛf fɔ dawt, biliv!”

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Jɔn In Fɔs Lɛta 4:14

Wisɛf dɔn si in Pikin ɛn wi dɔn tɛl pipul se i sɛn in Pikin fɔ kam sev di wɔl.

Jɔn 5:26

Jɛs lɛkɛ aw di Papa gɛt pawa fɔ gi layf, semwe so, i gi in Pikin insɛf pawa fɔ gi layf.

Lyuk 24:39

Una luk mi an ɛn mi fut, na mi sɛf sɛf dis. Una tɔch mi ɛn luk mi gud fashin bikɔs gost nɔ gɛt bɔdi ɛn bon lɛkɛ mi.”

Jɔn 8:58

Jizɔs se, “A de tɛl una fɔ tru se, bifo Ebraam bɔn, a dɔn de.”

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Jɔn 19:35

(Wan pan di pipul dɛn we bin de wɛn dɛn tin ya de bi, nain tɛl wi ɔl dis fɔ mek una biliv, ɛn wetin i tɔk na tru ɛn insɛf no se ɔl wetin i tɔk dɔn bi, fɔ tru.)

Apɔsul Dɛn Wok 1:3

Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul.

Rɛvɛleshɔn 19:13

Dɛn bin dɔn put di klos we i wɛr insay blɔd. In nem na bin “Gɔd in Wɔd”.

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Lyuk 1:2

Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Ayzaya 41:4

Na udat dɔn wok ɛn du dis kayn tin, de kɔl di jɛnareshɔn dɛn nem frɔm di biginin? Na mi, PAPA GƆD we na di fɔs, ɛn di las; na mi na Im.

Jɔn In Fɔs Lɛta 5:7

Na tri witnɛs de:

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.