1 Kɔrint 5:3 - Krio Fɔs Oli Baybul

³ Fɔ mi yon pat, pan ɔl we a nɔ de klos una, mi at de wit una; na Masta Jizɔs in nem a dɔn tek kɔndɛm di man we du dis bad bad tin, jɛs lɛkɛ aw a bin fɔ du if a bin de wit una.

1 Kɔrint 5:3 Referans Kwoze

Lɛta Fɔ Kɔlɔse 2:5

Pan ɔl we a nɔ de wit una mi at de wit una. A gladi fɔ si se una ɔl gɛt wan at pan di biliv we una biliv pan Krays ɛn una mekɔp traŋa wan se nɔbɔdi nɔ go ebul mek una tap fɔ biliv pan am.

Fɔs Lɛta Fɔ Tɛsalonayka 2:17

Mi brɔda dɛn, di shɔt tɛm we wi bin jɛs gɛt fɔ lɛf una (na wi bɔdi nɔmɔ nɔ de wit una, bɔt wi de mɛmba una ɔltɛm), wi bin sɔri bad we wi nɔ de klos una ɛn wi bin de tray fɔ go to una bak.

2 Kɔrint 13:2

A want fɔ tɛl una, we bin dɔn sin, ɛn ɔl dɛn ɔda pipul, sɔntin; a bin dɔn tɛl una wɛn a bin kam fɛn una di sɛkɛn tɛm, ɛn a de tɛl una bak bifo a rich to una: wɛn a kam bak a go pɔnish ɔlman we sin.

2 Kɔrint 10:11

If ɛnibɔdi de tɔk so, da pɔsin de fɔ ɔndastand se wetin wi de rayt na wi lɛta dɛn ɛn wetin wi de du wɛn wi kam to una, nɔto tu difrɛn tin.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

1 Kɔrint 5:12

Afta ɔl, nɔto mi biznɛs fɔ jɔj dɛn wan we nɔ de wit wi. Na Gɔd go jɔj dɛn. Bɔt una fɔ jɔj dɛn wan we una ɔl de du Gɔd wok togɛda. Dɛn rayt na Gɔd in Buk se, “Pul di pɔsin we nɔ gud kɔmɔt to una.”