1 Kɔrint 4:1 - Krio Fɔs Oli Baybul

¹ Una fɔ no se wi de du Gɔd wok, ɛn wi no plɛnti tin bɔt Gɔd we ɔda pipul nɔ ɔndastand ɛn na wi Gɔd pik fɔ ɛksplen dɛn to ɔda pipul.

1 Kɔrint 4:1 Referans Kwoze

Pita In Fɔs Lɛta 4:10

Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Fɔs Lɛta To Timoti 3:9

dɛn fɔ biliv di tru tin we Gɔd tɛl dɛn wit ɔl dɛn at; ɛn dɛn nɔ fɔ dawt se wetin dɛn biliv na di rayt tin.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

Lɛta Fɔ Ɛfisɔs 6:19

Ɛn una pre fɔ misɛf, mek Gɔd gi mi mɛsej so dat a nɔ go fred wɛn a de tɛl pipul bɔt di sikrit we de na di Gud Nyuz.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Kɔlɔse 4:3

Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.

Lɛta Fɔ Ɛfisɔs 1:9

fɔ du wetin i plan; i dɔn tɛl wi di plan we i bin ayd, i bin dɔn mekɔp lɔntɛm fɔ sɛn Krays kam du ɔl wetin i bin dɔn plan.

2 Kɔrint 12:6

If a bin want bost bɔt misɛf, a nɔ bin go de tɔk lɛkɛ fulman, bikɔs na tru a bin go de tɔk. Bɔt a nɔ go bost bɔt misɛf bikɔs a nɔ want mek pipul tink se mi na bɛtɛ pɔsin pas di kayn pɔsin we di wɔd dɛn we a de tɔk ɛn di tin dɛn we a de du, sho se a bi.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Fɔs Lɛta To Timoti 3:6

I nɔ fɔ bi man we jɛs no Krays bikɔs sɔntɛm i go prawd, ɛn dat go mek Gɔd kɔndɛm am lɛkɛ aw i bin kɔndɛm Setan.

2 Kɔrint 6:4

Bɔt bay aw wi de du ɔltin, wi de sho se na Gɔd wok wi de du. Wi de bia: wɛn wi de sɔfa, wɛn wi nɔ gɛt ɔltin we wi fɔ gɛt, wɛn wi de pan ɛni kayn waala,

1 Kɔrint 4:13

wɛn dɛn tɔk bad bɔt wi, wi kin tɔk gud bɔt dɛn; plɛnti pipul tink se wi tan lɛkɛ tin we fɔ trowe ɛn te naw pipul de tink se wi layf nɔ bɛtɛ!

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.

1 Kɔrint 2:7

Bɔt di sɛns we wi de tɔk bɔt na Gɔd yon, we i nɔ bin mek mɔtalman no bɔt, te insɛf sho dɛn; na da sɛns de Gɔd bin dɔn put, bifo i mek di wɔl, fɔ ɛp wi mek wi gɛt layf we go de sote go.

Mak 4:11

Jizɔs ansa dɛn se, “Na una gɛt di chans fɔ no di sikrit bɔt Gɔd in rul, bɔt dɛn pipul we nɔ de wit wi, na parebul nɔmɔ dɛn de yɛri,

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Lyuk 8:10

Jizɔs ansa dɛn se, “Gɔd dɔn gi una di chans fɔ no dɛn sikrit tin bɔt Gɔd in rul, bɔt fɔ dɛn ɔda pipul na parebul a de pul, so dat dɛn go luk bɔt dɛn nɔ go si; dɛn go yɛri, bɔt dɛn nɔ go ɔndastand.

Lyuk 1:2

Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

1 Kɔrint 4:2

Ɛn igen, ɔl dɛn wan we de du ɛni kayn wok we dɛn masta tɛl dɛn fɔ du, fɔ put ɔl dɛn at pan di wok.