1 Kɔrint 2:3 - Krio Fɔs Oli Baybul

³ Ɔl da tɛm de na so a bin de fred fred, a de trimbul, a bin de fil wik.

1 Kɔrint 2:3 Referans Kwoze

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

2 Kɔrint 13:9

Wi go gladi wɛn wi nɔ gɛt pawa, wans nɔmɔ una gɛt pawa. So wi de pre mek Gɔd mek una nɔ gɛt ɛni bɔt na una layf.

2 Kɔrint 10:10

Sɔntɛm sɔm pipul de tɔk se, “Dɛn lɛta ya we Pɔl de rayt traŋa o, bɔt wɛn yu si insɛf, i nɔ tan lɛkɛ fɔ se nain de rayt di lɛta dɛn, bikɔs i nɔ ebul tɔk bɛtɛ sɛf.”

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

2 Kɔrint 6:4

Bɔt bay aw wi de du ɔltin, wi de sho se na Gɔd wok wi de du. Wi de bia: wɛn wi de sɔfa, wɛn wi nɔ gɛt ɔltin we wi fɔ gɛt, wɛn wi de pan ɛni kayn waala,

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

Apɔsul Dɛn Wok 18:12

Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am.

Apɔsul Dɛn Wok 18:6

Di pipul dɛn nɔ bin gri tek wetin Pɔl tɛl dɛn ɛn dɛn bin de tɔk bad bɔt am, so Pɔl shek in klos pan dɛn fɔ sho se in nɔ gri wit dɛn. I tɛl dɛn se, “Una fɔ blem unasɛf fɔ wetin go bi to una if Gɔd kɔndɛm una! Nɔto mi go gɛt di blem; frɔm tide a de lɛf una; a de go tɛl dɛn pipul we nɔto Ju bɔt Gɔd.”

2 Kɔrint 7:5

Wɛn wi rich Masidonia sɛf wi nɔ blo. Waala bin de ɔlsay, pipul bin de mek plaba, wi bin de fred.

Apɔsul Dɛn Wok 17:1

Pɔl ɛn Saylas go Amfipolis, dɛn go Apolonia, dɔn dɛn rich Tɛsalonayka. Ju mitin os bin de na Tɛsalonayka.

Apɔsul Dɛn Wok 18:1

Wɛn Pɔl kɔmɔt Atɛns, i go Kɔrint.

Ayzaya 19:16

Da de de, di Ijipshian dɛn go tan lɛk uman, ɛn go trimbul de fred bifo di an we PAPA GƆD Ɔlmayti de shek na Ijipt.

2 Kɔrint 7:15

So Taytɔs de lɛk una mɔ ɛn mɔ, we i de mɛmba aw una ɔl bin rɛdi fɔ du wetin i tɛl una, ɛn aw una bin gladi fɔ am wɛn i kam to una ɛn una nɔ bin want du ɛnitin we bin go mek i fil bad.

Lɛta Fɔ Ɛfisɔs 6:5

Una we de wok, una fɔ de du wetin una masta tɛl una fɔ du, ɛn una fɔ rɛspɛkt dɛn. Una fɔ du di wok wit ɔl una at lɛkɛ se na Krays una de du am fɔ.