1 Kɔrint 13:3 - Krio Fɔs Oli Baybul

³ If a giwe ɔl wetin a gɛt sɛf to po pipul, ɔ a gri sɛf mek dɛn bɔn mi bɔdi, bɔt a nɔ lɛk mi kɔmpin mɔtalman, ɔl dat nɔ min natin.

1 Kɔrint 13:3 Referans Kwoze

Jɔn 15:13

If pɔsin day fɔ in padi, nɔ lɛk nɔ pas da wande.

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Lɛta Fɔ Galeshya 5:26

Wi nɔ fɔ tɔk big tɔk, wi nɔ fɔ mek ɔda pipul vɛks ɛn wi nɔ fɔ jɛlɔs ɔda pipul.

Lyuk 18:28

Na de Pita se, “Wi dɔn lɛf ɔltin fɔ fala yu.”

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.

Jɔn 12:43

Dɛn bin lɛk fɔ bay gudfes to mɔtalman pas fɔ du dɛn tin we go mek Gɔd satisfay wit dɛn.

Lyuk 18:22

Wɛn Jizɔs yɛri wetin di man tɔk, Jizɔs tɛl am se, “Na wan tin lɛf we yu nɔ du yet. Go, sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin. Wɛn yu dɔn du dat, yu go jɛntri na ɛvin. Afta dat kam bi mi lanin bɔy.”

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Jɔn 13:37

Pita aks Jizɔs igen se, “Masta, wetindu wi nɔ kin fala yu go de naw? A rɛdi fɔ day fɔ yu!”

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Lyuk 19:8

Zakiɔs tɛl Jizɔs bifo ɔlman se, “Masta, a go sheb mi prɔpati tu ɛn gi dɛn po pipul wan pat, ɛn ɛnitin we a bin tek na pɔsin an we a nɔ bin fɔ tek a go gi di pɔsin fo tɛm pas wetin a bin tek nain an.”

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Ayzaya 57:12

A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.