I molɛs dɛn ɛn mek aŋri kech dɛn dɔn i gi dɛn mana fɔ it; tin we dɛn ɛn dɛn fɔstɛmpapa dɛn nɔ no wande. Ɔl dat na fɔ mek dɛn no se, nɔto it nɔmɔ de gi mɔtalman layf; ɔltin sɛf we PAPA GƆD se, de gi pɔsin layf.
“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.
Yu gɛt klin at fɔ dɛn so yu bin de tɛl dɛn wetin fɔ du ɔltɛm. Yu nɔ se yu nɔ go sɛn mana, di bred we dɛn bin de it frɔm ɛvin, ɛn yu nɔ go gi dɛn wata fɔ drink we dɛn tɔsti.
Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi.
Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it.
