1 Kɔrint 1:8 - Krio Fɔs Oli Baybul

⁸ I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

1 Kɔrint 1:8 Referans Kwoze

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Lɛta Fɔ Filipay 1:6

A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Sɛkɛn Lɛta Fɔ Tɛsalonayka 3:3

Bɔt di Masta na pɔsin we nɔ go lɛf una, i go mek una tinap traŋa ɛn i nɔ go mek ɛni bad tin mit una.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Lɛta Fɔ Rom 14:4

Udat na una fɔ jɔj ɔda pɔsin savant? Na di pɔsin we i de wok to fɔ tɛl am, if i du gud ɔ if i du bad. Di savant go ebul du wetin i fɔ du bikɔs Gɔd we na di Masta ebul fɔ mek i du wetin i fɔ du.

Di Sam Dɛm 37:28

PAPA GƆD lɛk udat de du wetin rayt; ɛn nɔ go lɛf udat biliv pan am ɛn de du wetin i se to insɛf. I go kɔba dɛn sote go, bɔt di bad man in famili nɔ go gɛt lɔŋ layf;

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

2 Kɔrint 1:21

Na Gɔd insɛf mek wi ɛn unasɛf shɔ se wi layf na Krays yon; na Gɔd insɛf dɔn pik wi ɛn put wi wansay fɔ du in wok.

Di Sam Dɛm 37:17

bikɔs di pawa we di man we de du bad get, go dɔn, bɔt PAPA GƆD go kɔntinyu fɔ wata di wan we de waka tret.

1 Kɔrint 5:5

una fɔ tek dis man ya gi Setan we go mek i sɔfa fɔ ɔl dɛn bad tin we de nain at, so dat di de we di Masta go kam, da man de in spirit go gɛt chans fɔ sev.

Lyuk 17:24

Di tɛm we Mɔtalman Pikin go kam bak na wɔl, go kam kwik wan lɛkɛ wɛn laytin kin flash na di klawd frɔm wan pat to di ɔda pat.

Lyuk 17:30

Na so i go bi di de we Mɔtalman Pikin go kam bak na wɔl.

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

1 Kɔrint 3:13

Di kayn wok, gud ɔ bad, we ɔlman du, nɔ go ayd di de we Gɔd go jɔj ɔlman. Da de de na faya Gɔd go tek tɛst ɔlman wok fɔ si uskayn wok i bi, if na gud ɔ bad wok.

2 Kɔrint 1:13

Wi jɛs de rayt dɛn tin we una ebul rid ɛn ɔndastand. Bɔt a op se dɛn tin we una nɔ ɔndastand gud naw, una go ɔndastand dɛn gud gud wande, so di De we Masta Jizɔs go kam bak, unasɛf go gladi fɔ wi lɛkɛ aw wi go gladi fɔ una.

Lɛta Fɔ Kɔlɔse 2:7

We una liv, una fɔ fasin pan am lɛkɛ aw rut de fasin na grɔn, nain fɔ bi di fawndeshɔn na una layf, una fɔ de abop pan am mɔ ɛn mɔ lɛk aw dɛn bin dɔn lan una fɔ du. Pantap dat, una fɔ de tɛl Gɔd tɛnki ɔltɛm.

Fɔs Lɛta Fɔ Tɛsalonayka 5:2

bikɔs unasɛf no gud wan se di Masta go kam de we nɔbɔdi nɔ mekɔp, lɛkɛ aw tifman kin kam na nɛt.

Sɛkɛn Lɛta Fɔ Tɛsalonayka 2:2

nɔ mek dɛn kɔnfyus una ɔ mek una wɔri if wetin una de tink nɔ rayt. Sɔntɛm pipul min se na wɛn wi de tɔk di wɔd we Gɔd tɛl wi fɔ tɔk nain wi tɔk se di de we di Masta fɔ kam dɔn kam, ɔ na wɛn wi de lan pipul bɔt Gɔd nain wi tɔk so, ɔ na lɛta a rayt dat.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Sɛkɛn Lɛta To Timoti 1:18

Lɛ Masta Jizɔs Krays mek Gɔd di Masta sɔri fɔ am di de we Jizɔs go kam bak! Yusɛf no di wok we i du na Ɛfisɔs.