1 Kɔrint 1:5 - Krio Fɔs Oli Baybul

⁵ I dɔn gi una ɔl wetin una fɔ gɛt; i dɔn mek una ebul tɔk bɔt am; i dɔn mek una sabi ɔl wetin tru bɔt am.

1 Kɔrint 1:5 Referans Kwoze

2 Kɔrint 9:11

So aw Gɔd go de gi una mɔ ɛn mɔ, na so unasɛf go ebul gi mɔ ɛn mɔ, ɛn di pipul dɛn go tɛl Gɔd tɛnki fɔ di tin dɛn we una gi wi fɔ gi dɛn.

2 Kɔrint 8:7

Ɔltin we una gɛt, plɛnti; ɔl wetin una de du, una de du dɛn gud: una biliv Gɔd gud gud, una ebul tɔk fayn, una sabi plɛnti tin, una want ɛp una kɔmpin bad bad, ɛn una lɛk wi bad. So una fɔ du dis wok ya we una de du wit ɔl una at.

Lɛta Fɔ Kɔlɔse 2:3

Nain de mek pipul no di sɛns we Gɔd gɛt ɛn ɔl dɛn wɔndaful tin we i sabi, we nɔbɔdi nɔ bin dɔn no fɔstɛm.

Lɛta Fɔ Filipay 1:9

A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

Lɛta Fɔ Rom 15:14

Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn.

Jems 3:13

Uswan pan una de we gɛt sɛns ɛn we ɔndastand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔndastand.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Lɛta Fɔ Ɛfisɔs 6:19

Ɛn una pre fɔ misɛf, mek Gɔd gi mi mɛsej so dat a nɔ go fred wɛn a de tɛl pipul bɔt di sikrit we de na di Gud Nyuz.

Lɛta Fɔ Ɛfisɔs 1:17

A de beg Gɔd, we na wi Masta Jizɔs Krays in Papa, we gud, fɔ gi unain Spirit. Di Spirit go mek una gɛt sɛns ɛn i go sho una Gɔd, so dat una go no am mɔ ɛn mɔ.

1 Kɔrint 12:8

Gɔd in Spirit de gi wan pɔsin in yon sɛns fɔ tɔk in mɛsej, di sem Spirit de mek ɔda pɔsin sabi aw fɔ tɔk Gɔd in mɛsej pas in kɔmpin.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

1 Kɔrint 13:2

Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔndastand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔtalman, ɔl dɛn tin ya we a ebul du nɔ min natin.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

1 Kɔrint 14:26

Mi Kristiɛn brɔda dɛn, na di tin dis we a min: wɛn una gɛda fɔ pre, wan man go gɛt siŋ fɔ siŋ; ɔda wan go gɛt sɔntin we i fɔ lan in kɔmpin dɛn; Gɔd go sho ɔda wan sɔntin fɔ tɛl in kɔmpin dɛn; ɔda wan go tɔk wɔd na laŋwej we insɛf nɔ ɔndastand; ɔda pɔsin go ɛksplen wetin i se. Ɔl dɛn tin ya na fɔ ɛp di chɔch.

1 Kɔrint 13:8

Dɛn wɔd we Gɔd tɛl in prɔfɛt dɛn fɔ tɔk, tɛm de kam we dɛn nɔ go tɔk dɛn igen; dɛn difrɛn laŋwej we pipul kin tɔk, bɔt we dɛnsɛf nɔ ɔndastand, tɛm de kam we dɛn nɔ go tɔk dɛn igen; ɔl dɛn tin we sɔm pipul sabi, dɛn nɔ go sabi dɛn igen. Bɔt lɛk go de sote go.

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

1 Kɔrint 8:11

So in we nɔ no wetin rayt ɔ wetin nɔ rayt, we na una brɔda we Krays day fɔ, go go ɛl fɔseka wetin una no se rayt fɔ du!

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Lɛta Fɔ Rom 11:12

Di sin we di Ju dɛn sin briŋ big blɛsin kam na di wɔl, ɛn bikɔs di Ju dɛn nɔ gri fɔ du wetin Gɔd want fɔ mek i sev dɛn, dat briŋ big blɛsin kam to dɛn pipul we nɔto Ju. Bɔt di blɛsin dɛn go big pas dat wɛn ɔl di Ju dɛnsɛf go kam bak to Gɔd ɛn du wetin i want fɔ mek i sev dɛn.

Apɔsul Dɛn Wok 2:4

Gɔd in Spirit kam insay dɛn ɔl we bin lib de ɛn mek dɛn ɔl bigin tɔk laŋwej we dɛn nɔ lan; ɛnitin we Gɔd in Spirit want mek dɛn tɔk, nain dɛn tɔk.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.