1 Kɔrint 1:12 - Krio Fɔs Oli Baybul

¹² Mek a ɛksplen wetin a min: sɔm pan una de se, “Na Pɔl a de fɔ;” sɔm de se, “Na Apɔlɔs a de fɔ;” sɔm ɔda wan dɛn de se, “Na Pita a de fɔ;” ɛn sɔm de se, “Na Krays a de fɔ.”

1 Kɔrint 1:12 Referans Kwoze

Jɔn 1:42

Andru kɛr Saymɔn go to Jizɔs. Jizɔs luk Saymɔn ɛn se, “Yu nem na Saymɔn ɛn yu na Jɔn in pikin, bɔt yu nem go bi Sifas.” (Sifas ɛn Pita gɛt di sem minin, dat na “Rɔk”.)

Lɛta Fɔ Galeshya 3:17

A de tɛl una se Gɔd bin mek agrimɛnt wit Ebraam ɛn i bin prɔmis fɔ du wetin i tɛl Ebraam. Wɛn Gɔd dɔn mek dis agrimɛnt ya, i tek fo-ɔndrɛd ɛn tati ia bifo i gi di Ju neshɔn di Lɔ; ɛn dis Lɔ ya nɔ go pwɛl ɔ chenj wetin Gɔd dɔn prɔmis.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

2 Kɔrint 9:6

Una fɔ mɛmba se pɔsin we nɔ plant plɛnti sid nɔ go gɛt plɛnti tin fɔ pik, bɔt pɔsin we plant plɛnti sid go gɛt plɛnti plɛnti tin fɔ pik.

1 Kɔrint 16:12

As fɔ brɔda Apɔlɔs, plɛnti tɛm a kin tɛl am mek i de go fɛn una wit dɛn ɔda Kristiɛn brɔda dɛn, bɔt i nɔ fil se in fɔ go naw. Bɔt wɛn i gɛt chans, i go go.

1 Kɔrint 15:50

Na di tin dis we a min: Dis wɔl yon bɔdi nɔ go go insay di ples we Gɔd de rul, ɛn ɛnitin we de day nɔ go gɛt di pawa fɔ tɔn to tin we nɔ de day.

1 Kɔrint 15:5

i sho insɛf to Pita, dɛn, ɔda tɛm i sho insɛf to ɔl di twɛlv apɔsul dɛn.

1 Kɔrint 9:5

A nɔ gɛt rayt fɔ mared ɛn tek mi wɛf go wit mi wɛn a de kɔmɔt na mi yon tɔŋ go ɔda say, lɛkɛ aw dɛn ɔda apɔsul, di Masta in brɔda dɛn, ɛn Pita dɛn ɔl de du?

1 Kɔrint 7:29

Mi Kristiɛn brɔda dɛn, mek a ɛksplen wetin a min: plɛnti tɛm nɔ lɛf igen, ɛn frɔm naw sote go, maredman dɛn fɔ de lɛkɛ se dɛn nɔ mared;

1 Kɔrint 4:6

Mi Kristiɛn brɔda dɛn, na fɔseka una mek a tek Apɔlɔs ɛn misɛf fɔ sho una fɔ mek una ɔndastand wetin a bin min wɛn a bin pul da parebul we se, “Una fɔ jɛs fala dɛn tin we rayt nɔmɔ, una nɔ fɔ du ɛni ɔda tin.” Una nɔ fɔ es wan pɔsin ɔp ɛn tɔn una bak pan ɔda wan.

Apɔsul Dɛn Wok 18:24

Wan Ju man we bin nem Apɔlɔs bin go Ɛfisɔs. I bin bɔn na Alɛgzanda. Na man we bin sabi tɔk ɛn i bin sabi wetin rayt na di Ju Lɔ buk.

Matyu 23:8

Una nɔ fɔ mek pipul kɔl una ‘Ticha,’ bikɔs na wangren Ticha una gɛt, ɛn una ɔl na brɔda ɛn sista.

Apɔsul Dɛn Wok 19:1

Di tɛm we Apɔlɔs bin de na Kɔrint, Pɔl waka insay dɛn kɔntri te i rich Ɛfisɔs; na de i mit sɔm Kristiɛn dɛn.

1 Kɔrint 1:11

A de tɔk to una, mi brɔda dɛn, bikɔs Kloe in pipul dɛn dɔn tɛl mi se una kin de mek plaba.

2 Kɔrint 10:7

Na wetin pɔsin de si nɔmɔ, una de luk. If pɔsin de we tink se in blant Krays, mek i no se aw in blant Krays, na so wisɛf blant Krays.

1 Kiŋ 16:21

Di Izrɛlayt dɛn bin kam gɛt tu gɛŋ: af bin de sɔpɔt Ginath in bɔypikin we na Tibni fɔ bi kiŋ, dɔn di ɔda af bin de fɔ Omri.