Tamtama 6:16 - Nupela Testamen long tokples Kandas

¹⁶ Ma det kukukuk torom a kum lamlabino watat ma a kum tangai lena, “Mot in puku sapat netes un met, ma mot in munu met gusun in masarin o naro ra i kis una kiskis na king, ma gusun a kankan anun a Barman na Sipsip!

Tamtama 6:16 Referans Kwoze

Luk 23:30

Ma ‘det in watungi torom a kum tangai lena, “Mot in puku sapat netes un met!” ma torom a kum du tultul lena, “Mot in por met!” ’ Os 10:8

Tamtama 4:2

Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

Tamtama 19:15

Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit.

Tamtama 10:6

Ma i liliman nam o naro ra i laun tukum, ken rop ma ken rop, ra i ukis a bakut ma a kum utna rop ra det kis uni, a rakrakon bual ma a kum utna rop ra det kis uni, ma a tasi ma a kum utna rop ra det kis uni, ma i watungi lena, “Ka din balbalon melet mo.

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”

Tamtama 4:9

O naro ra i kis una kiskis na king, ra in laun tukum, ken rop ma ken rop, a wat na utna ra det laun det ulabo pasi, det ru i ma det watung wakak toromi. A kum bung rop ra det pami lenri,

Tamtama 4:5

Ma in nememe, a pungpugur, ma a rurung, detul wanpat tagun a kiskis na king. Ma sa numugu nisan a kiskis na king, a wonom mawit na lam kura det kunabor. Det ra, a wonom mawit na nion o God.

A Wakak na Wasiso un o Iesu Karisito o Mak i tumusi 3:5

O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.

Tamtama 5:1

A tama a buk una sot na laman o naro ra i kis una kiskis na king. A buk ra di sa pul tari, di sa tumtumus rop taru una aru paporino, ma di sa bulit bat tari nama wonom mawit na bulit.

Tamtama 9:6

Una kum bung ra, a susut na taro det in sisio sur a minat in nanpat un det, ikut ka det in mat. Det in nemi sur det in mat, ikut a minat in walip det kut.