Tamtama 22:7 - Nupela Testamen long tokples Kandas

⁷ O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 22:7 Referans Kwoze

Tamtama 3:11

Milau mukut an nanpat. Mot in pam ukai dekdek a kum sau ra mot sa utur ukai i, sako taio in los pas anumot a ikul, ra o God in pitari torom mot, len lari ra di pitar a ikul tan taio ra i winim pas a kinalabor.

Tamtama 1:3

Osi ra in luk a kum wasiso na poropet ri, in dan. Ma det ra det in longoro a kum wasiso ri, ra di sa tumus tari, ma det in muri, det kai det in dan, uni i sa milau sur a kum utna ri in nanpat.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 22:12

O Iesu i watungi lena, “Tama i, milau mukut an nanpat! An nanpat tomo nama ikul, ma an pitari torom a taro rop elar ut nama nundet a kum pinapam taktakai.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 2:16

I mo ra mot in nukpukus! Ra awu, an nanpat lakit torom mot, ma an waim nama taro ra det mur a etowo anun o Nikolas, namin totok na inaim ra kuri uwang a gom pasi.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.

Tamtama 22:18

A utumarong det rop, ra det longoro a wasiso na poropet tagun a buk ri: Ra taio in tugus tari nam tu wasiso gisen, o God in tugus tari kai a kum ukadik toromi, ra di sa wasiso talapor taru uni una buk ri.

Tamtama 22:19

Ra taio in rakon ru tu wasiso na poropet tagun a buk ri, o God kai in rakon ru anun a tinibo gusuni tagun in nanai na nilaun, ma tagun a tamon anun o God, ra di sa wasiso talapor taru uni una buk ri.

Tamtama 22:21

A marmaris anun a Labino o Iesu in kis tomo nama taro rop anun o God. Amen.