Tamtama 22:14 - Nupela Testamen long tokples Kandas

¹⁴ “Det ra det gos anundet a kum malu, det dan, ma i tokodos sur det in nangon tagun in nanai na nilaun, ma det in ruk una matansako ina in noworo ina tamon ra.

Tamtama 22:14 Referans Kwoze

Tamtama 21:27

Katu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.

1 Jon 5:3

Ra dat nem o God, dat in mur anun a kum warkurai. Ma anun a kum warkurai, ke ngangitin sur dat in muri.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

1 Jon 3:3

Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

Tamtama 2:7

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an mulaot pasi sur in nangon tagun in nanai na nilaun, ra kusapat una Paradais anun o God.

1 Korin 7:19

A petutna ra di tok talilis a pinin taio, o ka di tok talilis a pinino, i a utna oros kut. Ikut a petutna ra taio in mur a kum warkurai anun o God, i ra i labo sakit.

Tamtama 22:2

ma i sal epotor una labino kisapi, una tamon ra. In nanai na nilaun, i tur un aru papor ina danim ra. I ser wu a noino ma aru ngas na wino. Una kum kalang rop, i ser wu, a noino ma aru dino una arara kilalo. Ma a kum dono det ser ulangolango a taro tagun a kum gapman rop gusun a kum misait.

A Wakak na Wasiso un o Iesu Karisito o Jon i tumusi 10:7

I mo ra o Iesu i watung meleti lena, “A inanos mot nama lingmulus, iau a matansako anun a kum sipsip.

A Wakak na Wasiso un o Iesu Karisito o Jon i tumusi 10:9

Iau a matansako, osi ra i ruk uni, din ulauni. In ruk ma in pirso ma in etoromi kut ana utna na inangon.

Tamtama 7:14

A balu i lena, “Labino, ui ut u tasmani.” Ra i watungi tang lena, “Det ri, a taro ra det sa laun sikot tagun a labino ngunungut ra i monong det, ma det sa gos kamkabang pas anundet a kum malu nama gapin a Barman na Sipsip.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Tamtama 21:12

In labino woro ino i tur sakit usapat netes, ma a noino ma aru matansako ino, ma a noino ma aru ensel det tur nisan a noino ma aru matansako. Ma una kum matansako ra, di sa tumus tar a kum risan a noino ma aru kabotaro Israel.

1 Korin 9:5

A kum aposel, ma a kum tistisin a Labino, ma o Pita det ser ben tuptupukus anundet a kum ino ra det nurnur. I tokodos ut sur mir nam o Banabas kai mir in pami lenra.

1 Korin 8:9

Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 4:12

U nuki lena u labo taun a tubundat o Jekop ra i tabor met namin nutung na danim ri? Det tomo nama kum nutnutunu ma anun a kum wewegua kai, det rop det ininum taguni.”