Tamtama 21:14 - Nupela Testamen long tokples Kandas

¹⁴ In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Tamtama 21:14 Referans Kwoze

Ibru 11:10

O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

Epeses 2:20

Mot a rumu anun o God, ra di uturi netes una kum aposel ma a kum poropet. Det a kibin a rumu, ma o Karisito Iesu i a wakak na wat, ra i udekdek a rumu.

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

A Pas anun o Jud 1:17

Ikut mot, a kum wakak na paspasang, mot in nuk pas a kum wasiso anun a kum aposel anun a Labino anundat o Iesu Karisito, ra det sa inanos mugu tar mot nami.

Epeses 3:5

A kum taun taro tagun numugu, kataio i inanos talapor det uni, ikut uniri a Tokodos na Nion i upuaso i torom a kum tasur na aposel anun o God, ma a kum tasur na poropet anun o God.

Matiu 16:18

Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Aposel 1:26

Det pam a pinapam na pipilok nama ru wat, ra a wat anun o Matias i wanpat. Ra det luk tomo pasi nama noino ma ra aposel.

Tamtama 21:13

A tulu matansako detul tamtama sur a nubual ra in matanas i wanpat iai, a tul una matmatano lubur, a tul una matmatano tobar, ma a tul detul tamtama sur a nubual ra in matanas i sup iai.