Tamtama 21:10 - Nupela Testamen long tokples Kandas

¹⁰ A bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God.

Tamtama 21:10 Referans Kwoze

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 17:3

A bukus nama Tokodos na Nion ma a ensel ra, i los pas iau usapat una nubual kalako taro uni. Tiro iai, a tama pas ara ino i kis taru netes una merek na kuabor na wewegua. A wewegua ra, a wonom mawit nin lorino ma a noino komino, ma a pinino i bukus nama kum rising ra i watung laulau o God nami.

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.

Aposel 8:39

Ra der saur gusun a danim, uniutra a Nion a Labino i los ru o Pilip. Ra a te Itiopia ke tama meleti mo. Ikut a te Itiopia i wan melet una nun a inawan nama labino gasgas una nun a nilaun.

Tamtama 4:2

Uniutra, a bukus nama Tokodos na Nion. Ma sa numugu tang, a tama a kiskis na king sapat una langit, ma ara kura i kis taru uni.

Galesia 4:26

Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 11:2

Ikut un madek ru a dino nago upiso nisan a rumu na etabor, gong u maki. Uni di sa pitar tari torom a taro ra awu sur a taro anun o God, ra det in pas tataun a tamon anun o God elar nama wat na noino ma aru kalang.