Tamtama 20:2 - Nupela Testamen long tokples Kandas

² I pam sikot pas in labino sui, in nusui tagun narap, ra di watungi a tene etakun, ma o Satan. I sen ukai tari tuk ra ara arip na kilalo in rop.

Tamtama 20:2 Referans Kwoze

2 Pita 2:4

O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

A Pas anun o Jud 1:6

Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det.

A Wakak na Wasiso un o Iesu Karisito o Jon i tumusi 12:31

A du bung ri din warkurai a rakrakon bual. Uniri din lakro ru a labino anun a rakrakon bual.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

A Wakak na Wasiso un o Iesu Karisito o Jon i tumusi 16:11

Ma in ese det kai lena o God i sa pitar tar a warkurai na minabalu tan a labino tagun a rakrakon bual, ma i sa upuku ru tari.

Tamtama 13:2

A kuabor na wewegua, ra a tama i, i elar nama lepat, ikut aru kikino i elar nama ru kikin a bea, ma a wano i elar nama wan a laion. In labino sui i pitar tar a tulu utna torom a kuabor na wewegua. A tulu utna ri: a dekdekino, ma anun a kiskis na king, ma a labino dekdek sur in warkurai nami.

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 12:15

In nusui i muru ru a danim gusun a wano elar nama labino danim, sur in siliro ru a ino ra.

Tamtama 12:13

Ra in labino sui i tama i lena di sa woro pirso ru i urin una rakrakon bual, i lu a ino ra i sa usus pas a nat musano.

A Wakak na Wasiso un o Iesu Karisito o Mak i tumusi 5:7

A musano ra i kukukuk namin labino walngano lena, “Iesu, a Nutun o God, a Labino Sakit, asau ra u nem na pami un iau? Un liliman umatan o God sur gong u ukadik iau.”

Matiu 8:29

Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”

Tamtama 13:4

A taro det lotu torom in labino sui, uni i sa pitar tar a dekdek sur in warkurai nami, torom a kuabor na wewegua. Ma det lotu kai torom a kuabor na wewegua, ma det watungi lena, “Osi mo ra i elar nama kuabor na wewegua? Kataio. Osi mo ra i pet lar pasi sur in umi? Kataio.”

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.

Matiu 19:29

Ma det rop taktakai ra det sa wan gusun anundet a kum rumu, o gusun a kum tistisin det a kum musano ma a kum ino, o gusun a kum tamtaman det, o a kum nanan det, o a kum nutnutun det, o gusun anundet a kum piso, uni det mur iau, din pitar a marmar na utna lenri tandet, ma det in rakoni kai a nilaun tukum.

A Wakak na Wasiso un o Iesu Karisito o Mak i tumusi 4:15

A kum pitino wit ra det puku una kisapi, det elar nama taro ra det longoro a wasiso anun o God, ra uniutra o Satan i wanpat ma i rakon ru a wasiso.

Tamtama 12:3

Sapat una langit, ara ukinalong bulung i wanpat. In labino sui, a pinino i merek, a wonom mawit nin lorino, a noino komino, ma a wonom mawit na kukup na king kura una wonom mawit nin lorino.

Tamtama 12:4

In kurunu i surupu pirso ru ara kukur tagun a tulu dino tagun a kum nangnang tagisapat una bakut, ma i woro pirso ru det urin upiso. Ma in labino sui i tur taru sa numugu tan a ino ra i leser na usus, sur in konom pas o nutunulik una du bung ut ra in usus ru i.

Tamtama 20:7

Ra ara arip na kilalo ra i sa rop, din palos ru o Satan tagun anun a kinkinis na karabus.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.