Tamtama 20:15 - Nupela Testamen long tokples Kandas

¹⁵ Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 20:15 Referans Kwoze

A Wakak na Wasiso un o Iesu Karisito o Jon i tumusi 3:36

Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”

Aposel 4:12

Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.”

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

Matiu 13:50

Ra det in woro ru a kum tene sakino una labino sungun. Det in tangtangis ma det in ungingit lokondet iai.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Tamtama 20:12

A tama a kum minat rop, a kum lamlabino ma det ra ka di ulabo pas det, ra det tur numugu tan a kiskis na king, ra di papok a kum buk. Di papok melet ara buk, i a buk na nilaun. Ma di warkurai a kum minat, elar nama nundet a kum pinapam, ra di sa tumus ukai tari una kum buk.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

Matiu 13:42

Ma det in woro det una labino sungun. Det in tangtangis ma det in ungingit lokondet iai.

Luk 10:20

Ikut, gong mot gas, uni a kum laulau na nion det mur anumot a wasiso. Mot in gas, uni di sa tumus tar a risamot sapat una langit.”

Tamtama 3:5

Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.