Tamtama 20:14 - Nupela Testamen long tokples Kandas

¹⁴ Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.

Tamtama 20:14 Referans Kwoze

1 Korin 15:26

A ururop na ebar ra in kamari, a minat.

Tamtama 20:6

Det ra di ulaun det una mugano katkatutur melet gusun a minat, det dan ma det a kum tokodos na taro anun o God. A manru na minat kalako dekdekino sur in pam ukai det. Det a kum tene etabor torom o God ma o Karisito. Det in warkurai tomo nam o Karisito ara arip na kilalo.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.

Tamtama 21:4

Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”

Tamtama 20:13

A tasi i pitar pat melet ru a kum minat ra det mat sa utasi. A minat ma o Edes, a tamon anundet ra det mat, der kai der pitar pat ru a kum minat ra kura tiro un der. Di warkurai det taktakai elar ut nama nundet a kum pinapam.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

1 Korin 15:53

Uni a pinindat taginin upiso ra i ser mereseng kut, in tupukus sur a pinindat ra ken mereseng mo. A pinindat taginin upiso ra i ser mat kut, in tupukus sur a pinindat ra ken mat mo.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.

Tamtama 6:8

Ra a tamtama, a tama pas a kubus na os sa numugu tang. Ma o naro ra i kis netes uni, a risano A Minat. O Edes, a tamon anundet ra det mat, i mur milau nanan tano. Di pitar tar a dekdek tander, sur der in um doko ara kukur tagun a wat na dino tagun a taro nin una rakrakon bual. Der in um doko det namin totok na inaim, ma una munurak, ma una kum laulau na misait, ma kum lomlom na wewegua kai tagun a rakrakon bual.

Tamtama 14:10

i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.