Tamtama 2:14 - Nupela Testamen long tokples Kandas

¹⁴ Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.

Tamtama 2:14 Referans Kwoze

2 Pita 2:15

Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani.

Tamtama 2:20

Ikut, a takun mot una utna ri: Ka mot lu ru o Jesabel, a ino ra i watungi lena i a poropet. I ususer raro anung a kum tultul, sur det in pam a kum pamuk na petutna ma sur det in nan a utna ra di sa etabor taru nami torom a kum torotoro na god.

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

Ibru 13:4

I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.

1 Pita 2:8

“A wat ra, a taro det in tutuka uni, ma det in puku.” Ais 8:14 Det tutuka uni, uni det pitarngat una wasiso anun o God. Ra det pami lenra, anun a wasiso ra i watung tari numugu un det, i sot un det.

Aposel 21:25

Un ra bung dat sa tumus tar a buk torom a kum tene nurnur tagun det ra awu sur a taro Juda, lenri: Gong det wan tu utna ra di sa etabor taru nami torom a kum torotoro na god. Gong det wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong det pam a kum petutna na pamuk.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

1 Korin 7:2

Ikut, kibino una kum pamuk na petutna ra kura, i wakak sur arara musano in nolin nam anun a ino ut, ma arara ino kai in nolin nama nun a musano ut.

Matiu 18:7

“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi.

A Pas anun o Pol torom a taro Rom 14:21

I wakak sur gong u wan tar a komonong ina kum wewegua, ma gong u inum a wain, ma tu ngas na utna kai lenra, sako a pinapam ra in ban ling tar o tisim sur in puku.

A Pas anun o Pol torom a taro Rom 14:13

I mo ra gong mo dat takun etalai dat. Mot in nuknuk wakak sur gong mo mot pam tar tu petutna ra tu tisimot in puku uni.

Tamtama 2:4

Ikut a takun mot una utna ri: Ka mot nem iau mo elar nami ra numugu mot nem iau.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

A Pas anun o Pol torom a taro Rom 11:9

Ma o Dewid kai i watungi torom a Labino lenri, “Ra det kis tomo una nundet a lu na inangon, un pukusi sur in elar namin nukun torom det, elar nama uben ra i pam sikot det, elar nam in nutung ra det puku dorong uni, ma a warkurai na minabalu kai.

A Pas anun o Pol torom a taro Rom 9:32

Asau a kibino? Uni ka det nurnur, det nuki kut lena det sa tokodos umatan o God, kibino una nundet a kum pinapam. Det tutuka una wat na tutuka, ma det puku.