Tamtama 19:14 - Nupela Testamen long tokples Kandas

¹⁴ A kunur na taro na inaim tagisapat una langit det kas una kum kabang na os ma det muri. Det emar nama kum wakak na malu ra i matok ma i kabang.

Tamtama 19:14 Referans Kwoze

Tamtama 19:8

Di sa pitar tar in wakak na malu, tan a ino sur in emar nami. In namalu ra i matok ma i talapor.” In wakak na malu ra, i tur ukinalong a kum tokodos na pinapam anun a taro anun o God.

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Matiu 28:3

In masarino i talapor elar namin nememe, ma anun in namalu i kabang elar nama busu na top.

Tamtama 19:11

A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.

Tamtama 3:4

Ikut ara taro kut tagun mot tiro o Sardis, ka det ban durdur anundet a kum malu. Det in nan tomo nam iau, det in emar namin kabang na malu, uni anundet a nilaun i tokodos.

Tamtama 14:20

Ma di paspas reseng a kum wino wain unin nutung na wat ra, ra kura upiso tan in noworo ina labino tamon. Ma a gap i sal pat tagun in nutung na wat ra. I walos elar nama tulu mar na kilomita, ma i lubu tito usapat netes tuk una du aen ra i kis una wan a os.

Tamtama 14:1

Numur a tamtama, ra a tama pas a Barman na Sipsip i tur taru una Tangai Saion tomo nam ara mar ma wat na noino ma wat na arip na taro, det ra di sa tumus tar a risan a Barman na Sipsip ma a risan o Tamano kai una kum masarindet.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

Matiu 26:53

Pepetlai, u nuki lena, in ngangitin sur an saring o Tita sur lako susut na arip na ensel, ra uniutri in tulu ru det torom iau?

Matiu 21:5

“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’” Sek 9:9