Tamtama 19:10 - Nupela Testamen long tokples Kandas

¹⁰ Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 19:10 Referans Kwoze

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Tamtama 4:10

aru noino ma wat na mugumugu kai det puku na urur sa numugu tan o naro ra i kis una kiskis na king, o naro ra i laun tukum, ken rop ma ken rop, ma det lotu toromi. Det rakon ru anundet a kum kukup na king, ma det ubek tari sa numugu tan a kiskis na king ma det watungi lena,

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

1 Jon 5:10

Osi ra i nurnur una Nutun o God, i sa utur ukai a wasiso talapor anun o God unin balano. Ikut osi ra ke nurnur una wasiso talapor anun o God, i nuki lena o God a tene torotoro, uni ke nurnur una wasiso talapor anun o God un o Nutunu.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Matiu 4:10

O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’” Lo 6:13

Tamtama 14:7

I wasiso namin labino walngano lena, “Mot in ngara sur o God, ma mot in watung ulabo pasi, uni anun a du bung na warkurai i sa wanpat. Mot in lotu torom o God, i ra i ukis a bakut, a rakrakon bual, a tasi ma a kum matmatano danim.”

Tamtama 15:4

Labino, osi ra ken ngara sur ui? Ma osi ra ken watung ulabo pas a risam? Uni ui kut u tasur. A taro tagun a kum gapman rop det in nanpat, ma det in lotu torom ui, uni anum a kum tokodos na pinapam i talapor rop torom a taro.”

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Luk 1:19

Ra a ensel i balu i lena, “Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui.

A Wakak na Wasiso un o Iesu Karisito o Mak i tumusi 5:22

Ara mugumugu tagun a rumu na lotu, a risano o Jairus, i wanpat tiro. I tama o Iesu, ra i kis butkeke sa numugu tano,

Aposel 13:27

A taro ra det kis sapat o Jerusalem, tomo nam anundet a kum mugumugu, ka det tama lele o Iesu, lena i a Tene Ulaun, ma ka det tasman a kum wasiso ra a kum poropet det sa tumus tari, ra di ser luki una kum Bung na Sabat. Ikut ra det mulaot tar o Iesu sur in mat, det pam sot pas a wasiso anun a kum poropet.

1 Jon 5:21

A kum nutnutung liklik, mot in tamtamabat mot gusun a kum torotoro na god.

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

Epeses 5:15

Mot in tamtamabat wakak anumot a ngas na nilaun ra mot laun nami, ma gong mot laun elar nama kum longlong, mot in laun elar nama taro na mananos.

2 Korin 8:7

Una kum utna rop, mot ser pam soti taun a taro rop: Anumot a nurnur, ma anumot a warawai, anumot a mananos, anumot a dekdek, ma anumot a labino marmaris torom met. Ra i wakak sur mot in pam sot pasi kai a pinapam na etabor ri.

A Wakak na Wasiso un o Iesu Karisito o Mak i tumusi 7:25

Ara ino, a nutunu a inolik, a laulau na nion kura uni. I longoro a wasiso un o Iesu, uniutra i wan ra i kis butkeke nisan a kikino.

Epeses 5:33

Ikut, arara tagun mot in nem anun a ino elar nami ra i nemi ut. Ma a ino, in urur torom anun a musano.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”