Tamtama 18:19 - Nupela Testamen long tokples Kandas

¹⁹ Det in sapro a kubus una kum lorindet ma det in tupunuk, det in tangis ma det in woiwoi lena, ‘A labino tamon Babilon i sa laulau! I sa laulau! Det ra det los a mani tagun a kum sip, det wanpat a kum tene ululeng tagun anun a susut na ululeng! A wonom na noino minit sot kut ra i sa laulau rop!

Tamtama 18:19 Referans Kwoze

Tamtama 18:10

Det in tur bakbak taru mukut gusuni, uni det ngaran a ngunungut ra din ukadiki nami. Ma det in watungi lena, ‘A labino tamon i sa laulau. I sa laulau! O Babilon, a dekdek na tamon! Una wonom na noino minit sot kut, ama warkurai na minabalu i sa wanpat.’

Tamtama 18:3

I sa puku, uni a taro tagun a kum gapman rop det sa inum pas a dekdek na wain ina nun a pamuk na petutna. A kum king tagun a rakrakon bual det pam a pamuk na petutna tomo nami. Ma a kum tene siuru tagun a rakrakon bual det tene ululeng nama susut na ululeng tagun anun a kinkinis na tene ululeng.”

Tamtama 18:8

I mo ra a kum ukadik ri, a minat, a tupunuk ma a munurak det in nanpat toromi un ara bung sot kut. Ma din tun ru i nama sungun, uni a Labino o God i dekdek sakit, i ra, in pitar tar a warkurai na minabalu toromi.

Tamtama 17:16

A kuabor na wewegua ma a noino kom ra u tama det, det in nget a pamuk na ino. Det in ban laulau i ma det in rakon ru anun a ememar ma in mengere mukut. Det in nan a komonongino, ma det in tun ru i nama sungun.