Tamtama 18:15 - Nupela Testamen long tokples Kandas

¹⁵ A kum tene siuru ra det ser siuru a kum utna ri, ma o Babilon i udan tar det nama susut na ululeng, det in tur bakbak taru mukut gusuni, uni det ngaran a ngunungut ra di ukadiki nami. Det in tupunuk, det in domos,

Tamtama 18:15 Referans Kwoze

Tamtama 18:3

I sa puku, uni a taro tagun a kum gapman rop det sa inum pas a dekdek na wain ina nun a pamuk na petutna. A kum king tagun a rakrakon bual det pam a pamuk na petutna tomo nami. Ma a kum tene siuru tagun a rakrakon bual det tene ululeng nama susut na ululeng tagun anun a kinkinis na tene ululeng.”

Aposel 16:19

A kum mugumugu anun a ino ra, det tasmani lena, ka det in tama melet lako mani mo gusuni. Ra det pam ukai pas o Pol ma o Sailas, ra det dat pas der torom a kum mugumugu una nubual na inawan tomo.

A Wakak na Wasiso un o Iesu Karisito o Mak i tumusi 11:17

Ra i ususer det, i watungi lena, “Di sa tumus tari una Buk Tabu lenri, ‘Din watung anung a rumu nama rumu na niaring sur a taro tagun a kum gapman rop.’ Ais 56:7 Ikut mot sa pukus pasi sur in elar mukut nama ‘nubual na parparau anun a kum tene wolong.’” Jer 7:11

Tamtama 18:12

A utna na siuru lenri: a gol, a silwa, a kum watat ra matandet i ka doko, ma a kum wakak na kamkabaran, ma a kum wakak na malu, a kum pepol na malu, a kum malu i silika ma a kum merek na malu, ma a kum duwai ra i sangnain wakak, ma a wur ngas na utna ra di pami nama komin a elepan, ma a kum duwai ra matandet i ka doko, ma a bras, a aen ma ara ngas na wat ra matano i ka doko, ra di watungi nama mabel,

Tamtama 18:13

ma a ramano kum utna i sangnain wakak, ma aru utna kai ra der sangnain wakak ra di watung der nama kinamon, ma a mira, ma a paura di tuni ra a misino i sangnain wakak ra di watungi nama insens, ma a wain, a wel na oliw, a palawa ma a wit, ma a kum bulumakau ma a kum sipsip, a kum os ma a kum karis, ma a kum tene ititula, det a kum mulusino ut.

Tamtama 18:14

“A kum tene siuru det in watungi lena, ‘A kum utna ra u nem doko i, det sa rorom. Anum a kum ululeng ma anum a kum minamar det kai det sa rorom, ma ka din tama det melet mo.’

Tamtama 18:19

Det in sapro a kubus una kum lorindet ma det in tupunuk, det in tangis ma det in woiwoi lena, ‘A labino tamon Babilon i sa laulau! I sa laulau! Det ra det los a mani tagun a kum sip, det wanpat a kum tene ululeng tagun anun a susut na ululeng! A wonom na noino minit sot kut ra i sa laulau rop!