Tamtama 17:14 - Nupela Testamen long tokples Kandas

¹⁴ Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 17:14 Referans Kwoze

A Pas anun o Pol torom a taro Rom 8:30

Ma det ra o God i sa pilok pas det, i kabo pas det kai. Ma det ra i sa kabo pas det, i watung det, det tokodos umatano. Ma det ra i watung det, det tokodos umatano, i pitari kai a minamar torom det.

1 Timoti 6:15

Ra a bung in sot, o God ut in tulu ru i sur in nanpat melet. O God ara sot kut, a labino Tene Warkurai ma i dan tukum, a King anun a kum king, ma a Labino anun a kum lamlabino.

Matiu 22:14

“Di sa kabo pas a susut, ikut di pilok pas a pak na taro kut.”

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 16:14

Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.

1 Korin 15:24

Numur, a ururop ina rakrakon bual in nanpat, ra o Karisito in kamar ru a kum sakino nion rop lenri, det ra a kum mugumugu, det ra det utur ukai a warkurai ma det ra det tur nama dekdek. Ma in pitar tar a matanitu torom o God o Tamano.

A Pas anun o Pol torom a taro Rom 8:37

Awu, dat in pas pisopiso a kum utna ri, kibino un o Karisito ra i maris doko dat.

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

2 Timoti 2:4

A wakak na tene inaim ken balon una kum pinapam anun a taro oros kut, awu. In pami ut anun a pinapam sur in ugasgas anun a mugumugu.

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

A Pas anun o Pol torom a taro Rom 1:6

Mot kai ara taro tagun det, ra o God i kabo pas mot, sur mot anun o Iesu Karisito.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.